ఐస్ క్రీమ్స్ అంటే ఇష్టమా? అయితే కచ్చితంగా ఈ గోల్డ్ ఐస్క్రీం ట్రై చేయాల్సిందే. దీన్ని తినాలంటే పక్క రాష్ట్రాలకో లేదా మరేదైనా దేశానికో వెళ్లాలేమో అనుకుంటే పొరపాటే. మన హైదరాబాద్లోని బంజారాహిల్స్లో ఉన్న హ్యుబర్ అండ్ హోలి కేఫ్కి వెళ్తే సరిపోతుంది. ఇప్పుడు గోల్డ్ ఐస్క్రీమ్స్ మన దగ్గరా ఉన్నాయి. హైదరాబాద్లోని కేబీఆర్ పార్క్ ఎదురుగా ఉన్న హ్యుబర్ అండ్ హోలి కేఫ్లో గోల్డ్ ఐస్క్రీం దొరుకుతోంది. దీని గురించి ఫేమస్ ఫుడ్ బ్లాగర్ అభినవ్ జస్వాని సోషల్మీడియాలో పోస్ట్ చేయడంతో ఎక్కువమందికి తెలిసింది.
ది బెస్ట్ ఐస్క్రీం
అభినవ్ జస్వావి నాగాలాండ్కి చెందిన ట్రావెలర్, ఫుడ్ బ్లాగర్. ‘జస్ట్ నాగపూర్ థింగ్స్’ అనే ఇన్స్టాగ్రామ్, ఫేస్బుక్ పేజీల్లో దేశంలోని పాపులర్ ఫుడ్ని ఎక్స్ప్లోర్ చేస్తుంటాడు. యూట్యూబ్లోనూ తను టేస్ట్ చేసి బెస్ట్ వంటకాల్ని పరిచయం చేస్తుంటాడు. రీసెంట్గా అలా హైదరాబాద్లోని 24 గోల్డ్ ఐస్క్రీం టేస్ట్ చేశాడు అభినవ్. ‘మైటీ మిదాస్’ పేరుతో పిలిచే ఆ ఐస్క్రీంకి ఇప్పటివరకు తను టేస్ట్ చేసిన ఐస్క్రీంలలో ది బెస్ట్ అంటూ కాంప్లిమెంట్ ఇచ్చాడు ఈ ఫుడ్ బ్లాగర్. తన ఫాలోవర్స్ని కచ్చితంగా టేస్ట్ చేయమని రిక్వెస్ట్ చేశాడు కూడా. దాంతో ఇప్పుడు అందరి చూపు ఈ హైదరాబాదీ ఐస్క్రీంపై పడింది.
500 రూపాయలకి దొరికే ఈ ఐస్క్రీం తయారీ చాలా స్పెషల్. దానికి సంబంధించిన ఐదున్నర నిమిషాల వీడియోని సోషల్ మీడియాలో పోస్ట్ చేశాడు అభినవ్. అందులో చాక్లెట్ కోన్లో బ్రౌనీ, డబుల్ చీజ్, మిక్స్డ్ డ్రై ఫ్రూట్స్ ఒకదాని తర్వాత ఒకటి వేస్తారు. ఆ తర్వాత డబుల్ సాస్ , బెల్జియం చాక్లెట్ ఐస్క్రీం వేసి మళ్లీ పైనుంచి డబుల్ సాస్ , గోల్డెన్ చాక్లెట్ ఐస్క్రీం వేస్తారు. 24 గోల్డ్ ఈటబుల్ గోల్డ్ ఫాయిల్ ఆ ఐస్ క్రీం చుట్టూ చుట్టి, ఈటబుల్ స్పూన్, మినీ మాక్రూన్, గోజి బాల్స్, హాజెల్ నట్ బాల్స్తో కలర్ఫుల్గా డెకరేట్ చేస్తారు. చివరిగా నైట్రోజన్ స్మోక్ ఇచ్చి ఈ ఐస్క్రీంని సర్వ్ చేస్తున్నారు.
