బ్యాచిలర్స్, ట్రావెలర్స్.. బట్టలు ఉతకడాన్ని చాలా పెద్ద పని అనుకుంటారు. అలాంటివాళ్లు ఈ మినీ వాషింగ్ మెషిన్ని వాడుకుంటే సరిపోతుంది. పిల్లల్లో దాగి ఉన్న క్రియేటివిటీని బయట పెట్టాలంటే.. చిన్న చిన్న డీఐవై(డు ఇట్ యువర్సెల్ఫ్)చేయిస్తుండాలి. అలాంటివాటికోసం హీట్ గన్ బెస్ట్ ఛాయిస్. ఇంటికి తాళం వేసి ఆఫీస్కి వెళ్లినా, ఊరెళ్లినా ధ్యాసంతా ఇంటిపైనే ఉంటుంది. అలాంటివాళ్లు ఒక సెన్సర్ని బిగించుకుంటే చాలు. ఎవరైనా ఇంటి డోర్ తెరిస్తే వెంటనే ఫోన్కి నోటిఫికేషన్ వస్తుంది.
టర్బైన్ వాషింగ్ మెషిన్
హాస్టల్, రూమ్ల్లో ఉండే బ్యాచిలర్స్లో చాలామంది బట్టల్ని లాండ్రీ షాపుల్లో ఇచ్చి ఉతికించుకుంటుంటారు. చొక్కాలు, ప్యాంట్స్ వరకు ఓకే. కానీ.. చేతిరుమాళ్లు, టవళ్లు, సాక్సులు ఉతుక్కోవడమెలా? వాటిని ఉతకడం కూడా ఇబ్బందే వాళ్లకు. అలాంటి వాళ్లకోసమే యాన్స్టార్ అనే కంపెనీ మినీ అల్ట్రాసోనిక్ టర్బైన్ వాషింగ్ మెషిన్ తయారుచేసింది. ఇది ట్రావెలింగ్ చేసేవాళ్లకు కూడా బాగా పనికొస్తుంది. ఒక బకెట్లో నీళ్లు, డిటర్జెంట్ వేసి.. ఈ గాడ్జెట్ని అందులో ఫిక్స్ చేయాలి. తర్వాత ఉతకాల్సిన బట్టలు వేసి ఆన్ చేస్తే చాలు. ఇది ఒకేసారి కిలో బట్టలు ఉతుకుతుంది. ఇందులో ఉండే మోటార్ క్లాక్వైజ్, యాంటీ క్లాక్ వైజ్ కూడా తిరుగుతుంది. అరగంట ఉతికాక ఆటోమెటిక్గా షట్డౌన్ అవుతుంది.
ధర: 999 రూపాయలు
వైర్లెస్ మైక్రోఫోన్
టెక్నాలజీ డెవలప్ అయ్యాక చాలామంది సోషల్ మీడియాలో యాక్టివ్గా ఉంటున్నారు. అందుకోసం వీడియోలు తీసి పోస్ట్ చేస్తున్నారు. ఇంకొంతమంది మెమరీస్ కోసం వీడియోలు తీసుకుంటున్నారు. ఇలాంటి ఏ సందర్భంలో అయినా.. మాటలు రికార్డ్ చేయాలంటే ఫోన్లో ఉండే మైక్రోఫోన్ సరిపోదు. అందుకోసం ప్రత్యేకంగా మైక్లు కొనాల్సి ఉంటుంది. అలాంటివాళ్లకు ఇది బెస్ట్ మైక్. గ్రెనరో కంపెనీ తెచ్చిన ఈ మైక్ని మొబైల్కి కనెక్ట్ చేసుకుని వాడుకోవచ్చు. అందుకోసం ముందుగా మొబైల్కి ఉండే టైప్–సి లేదా మైక్రో యూఎస్బీ పోర్ట్కి రిసీవర్ని కనెక్ట్ చేయాలి. ఈ రీసీవర్ నుంచి 20 మీటర్ల వరకు మైక్ పనిచేస్తుంది. ఈ సెట్లో ఒక ఛార్జింగ్ కేస్తో పాటు రెండు మైక్లు, ఒక రిసీవర్ ఉంటాయి. ఐ–ఫోన్, ఆండ్రాయిడ్ ఫోన్లకి సపోర్ట్ చేస్తుంది. ఇందులో ఇంటెలిజెంట్ నాయిస్ రిడక్షన్ చిప్ ఉంటుంది. ఇన్డోర్, అవుట్డోర్ ఎక్కడున్నా దీన్ని వాడొచ్చు. మైక్రోఫోన్ని రెండు గంటలు ఛార్జ్ చేస్తే ఎనిమిది గంటల వరకు వాడుకోవచ్చు. కనెక్ట్ చేయడం కూడా చాలా ఈజీ.
ధర: 2,559 రూపాయలు
స్మార్ట్ డోర్ సెన్సర్
సిటీల్లో దొంగల బెడద మరీ ఎక్కువగా ఉంది. అలాగని సెక్యూరిటీ సిస్టమ్ పెట్టించుకునే స్థోమత అందరికీ ఉండదు. అలాంటివాళ్లకు ఇది బెస్ట్ గాడ్జెట్. దీన్ని హోమ్మేట్ అనే కంపెనీ తెచ్చింది. సెట్లో రెండు గాడ్జెట్స్ ఉంటాయి. ఒకదాన్ని డోర్కి, మరోదాన్ని డోర్కి ఆనుకుని ఉన్న గోడ లేదా చెక్కకు స్టిక్ చేయాలి. తర్వాత ఇందులో రెండు ఏఏఏ బ్యాటరీలు వేసి, వైఫైతో కనెక్ట్ చేయాలి. ఈ గాడ్జెట్ని ఆండ్రాయిడ్, యాపిల్ డివైజ్లు అన్నింటికీ యాప్ ద్వారా కనెక్ట్ చేసుకోవచ్చు. దీన్ని తలుపులు, కిటికీలు, క్యాబినెట్లు, డ్రాయర్లు.. ఇలా ఎక్కడైనా పెట్టుకోవచ్చు. తలుపు తెరిచిన, మూసిన ప్రతిసారి ఫోన్కి పుష్ నోటిఫికేషన్ వస్తుంది.
ధర: 1,330 రూపాయలు
మినీ హీట్ గన్
ఇంట్లో గోడలకు పిల్లలు ప్లాస్టిక్ స్టిక్కర్లు అతికిస్తుంటారు. వాటిని తీస్తే.. వాటితోపాటు పెయింట్ కూడా ఊడిపోతుంది. అలాంటి వాటిని హీట్గన్తో వేడి చేసి తీస్తే పని ఈజీ అవుతుంది. హస్తిప్ కంపెనీ తెచ్చిన ఈ గన్ని చాలా రకాలుగా వాడుకోవచ్చు. ఆబ్జెక్ట్కు 5–6 సెంటీమీటర్ల దూరం నుంచి దీన్ని వాడాలి. మినీ హీట్ ఎయిర్ గన్ని హై క్వాలిటీ ఏబీఎస్ ప్లాస్టిక్తో తయారుచేశారు. లోపలి వైపు స్టెయిన్లెస్ స్టీల్ ఉంటుంది. చాలా తేలికగా ఉంటుంది. ఇంట్లో క్రాఫ్ట్ క్రియేషన్, డీఐవై లాంటి వాటికి బాగా పనికొస్తుంది. కొన్ని సెకన్లలో 200 సెంటీగ్రేడ్స్ టెంపరేచర్కి చేరుతుంది. పెయింట్ని త్వరగా ఆరబెట్టడానికి, గమ్ని ఆరబెట్టడానికి, ప్యాకేజింగ్ కోసం ప్లాస్టిక్ పేపర్ ష్రింక్ చేయడానికి, మైనంతో సీల్ చేయడానికి దీన్ని వాడొచ్చు.
ధర: 689 రూపాయలు