న్యూయార్క్: వరల్డ్ నంబర్ వన్, టాప్ సీడ్ ఇగా స్వైటెక్కు యూఎస్ ఓపెన్లో చుక్కెదురైంది. డిఫెండింగ్ చాంపియన్గా బరిలోకి దిగిన స్వైటెక్కు ప్రిక్వార్టర్స్లో జెలెనా ఒస్తాపెంకో షాకిచ్చింది. ఆదివారం రాత్రి జరిగిన విమెన్స్ సింగిల్స్ ప్రిక్వార్టర్స్లో స్వైటెక్ (పోలాండ్) 6–3, 3–6, 1–6తో 20వ సీడ్ ఒస్తాపెంకో (లాత్వియా) చేతిలో పరాజయం పాలైంది. ఈ విక్టరీతో జెలెనా 2017 ఫ్రెంచ్ ఓపెన్ తర్వాత ఓ గ్రాండ్స్లామ్లో తొలిసారి క్వార్టర్స్ చేరింది. మరోవైపు అమెరికా టీనేజ్ స్టార్, 19 ఏండ్ల కొకో గాఫ్ 6–3, 3–6, 6–1తో వోజ్నియాకి (డెన్మార్క్) విజయం సాధించింది. 15వ సీడ్ మాడిసన్ కీస్ (అమెరికా) 6–1, 6–3తో తోటి ప్లేయర్ మూడో సీడ్ జెస్సికా పెగులాను ఓడించింది. 9వ సీడ్ వొండ్రుసోవా (చెక్) కూడా క్వార్టర్స్ చేరింది.
నొవాక్ ముందుకు
రికార్డు స్థాయిలో 24వ గ్రాండ్స్లామ్పై కన్నేసిన సెర్బియా లెజెండ్ నొవాక్ జొకోవిచ్ మెన్స్ సింగిల్స్లో క్వార్టర్స్ చేరాడు. ప్రిక్వార్టర్స్లో రెండో నొవాక్ 6–2, 7–5, 6–4తో వరుస సెట్లలో బోర్నా గోజో (క్రొయేషియా) పై విజయం సాధించాడు. ఈ మ్యాచ్లో ఐదు బ్రేక్ పాయింట్లు సాధించిన జొకో ఒకేసారి సర్వీస్ కోల్పోయాడు. క్వార్టర్స్లో నొవాక్ తొమ్మిదో సీడ్ టేలర్ ఫ్రిట్జ్తో పోటీ పడనున్నాడు. మరో మ్యాచ్లో అమెరికన్ ఫ్రిట్జ్ 7–6 (7/2), 6–4, 6–4తో స్టీఫెన్ స్ట్రైకర్ (స్విట్జర్లాండ్)ను ఓడించాడు. అమెరికాకే చెందిన పదో సీడ్ ఫ్రాన్సెస్ తియపో 6–4, 6–1, 6–1తో రింకి హిజికటా (ఆస్ట్రేలియా)ను ఓడించి క్వార్టర్స్ చేరుకున్నాడు.