పీర్జాదిగూడ మున్సిపల్ కార్పొరేషన్లో రూ.110 కోట్లతో ప్రారంభమైన నాలా పనులు స్లోగా సాగుతుండగా.. వాహనదారులు ఇబ్బంది పడుతున్నారు. పర్వతాపూర్ అరోరా కాలేజీ వద్ద రోడ్డుకు అడ్డంగా పైప్ల నిర్మాణం ఉండటంతో రోడ్లను పూర్తిగా మూసివేశారు. రెండు వారాలు గడుస్తున్నా ఆ పనులను ఇంకా పూర్తిచేయలేదు. 20 మీటర్ల పైప్లైన్ వేసేందుకు నెలల టైం తీసుకుంటున్నారు.
పనులు ఆలస్యంగా నడుస్తున్నాయని..ఎగ్జామ్స్కు హాజరయ్యే స్టూడెంట్లు, ఉద్యోగులు ఇబ్బంది పడుతున్నారని పీర్జాదిగూడ మున్సిపల్ కార్పొరేషన్ కాంగ్రెస్ అధ్యక్షుడు తుంగతుర్తి రవి ఆందోళన వ్యక్తం చేశారు. త్వరగా పూర్తయ్యేలా మున్సిపల్ అధికారులు చర్యలు తీసుకోవాలని డిమాండ్ చేశారు.
– వెలుగు, మేడిపల్లి
