ఆసియాలో ఇండియా పవర్ఫుల్.. అమెరికా, చైనా తర్వాత మూడో ప్లేస్‌‌‌‌

• ఆసియా పవర్ ఇండెక్స్‌‌‌‌లో వెల్లడి

న్యూఢిల్లీ: గ్లోబల్‌‌‌‌గా  ఇండియా తన స్థానాన్ని బలపరుచుకుంటోంది. ఆసియాలో ప్రభావం చూపగల శక్తుల్లో  అమెరికా, చైనా తర్వాత మూడో స్థానాన్ని దక్కించుకుంది.  ఆస్ట్రేలియాకు చెందిన లోవీ ఇన్‌‌‌‌స్టిట్యూట్ విడుదల చేసిన ఆసియా పవర్ ఇండెక్స్‌‌‌‌లో 100 కి 81.7 స్కోర్‌‌‌‌‌‌‌‌తో అమెరికా టాప్‌‌‌‌లో కొనసాగుతోంది. చైనా 73.7 స్కోర్‌‌‌‌‌‌‌‌తో  రెండో ప్లేస్‌‌‌‌లో ఉంది.  

ఇరు దేశాల మధ్య గ్యాప్ తగ్గుతోంది. ఇండియా 40 స్కోర్‌‌‌‌‌‌‌‌తో మూడో ప్లేస్‌‌‌‌లో  నిలిచింది. కిందటేడాదితో పోలిస్తే రెండు పాయింట్స్ పెరిగాయి. మొత్తం 27 దేశాల  మిలిటరీ, ఆర్థిక సామర్ధ్యాలను, డిఫెన్స్ నెట్‌‌‌‌వర్క్‌‌‌‌ను, సంబంధాలను, డిప్లమాటిక్‌‌‌‌, కల్చరల్ ప్రభావం వంటి 8 విభాగాల్లోని 131 సూచీలను పరిగణనలోకి తీసుకొని ఈ ఇండెక్స్‌‌‌‌ను లోవీ ఇన్‌‌‌‌స్టిట్యూట్ తయారు చేసింది. అమెరికా ఆసియాలో లేనప్పటికీ దీనికి  జపాన్‌‌‌‌, సౌత్‌‌‌‌ కొరియా, ఆస్ట్రేలియా వంటి దేశాల్లో సైనిక స్థావరాలు ఉన్నాయి. అందువలన ఆసియాలో అమెరికా ప్రభావం ఎక్కువగా ఉంది.

వివిధ దేశాలు ఇలా..

భారత్: ఈ ఏడాది “మేజర్ పవర్‌‌‌‌‌‌‌‌” స్థాయిని దాటింది.  కరోనా తర్వాత ఎకానమీ రికవరీ అవ్వడం,  జియోపొలిటికల్‌‌గా ప్రభావం పెరగడంతో ఇది సాధ్యమైంది.

చైనా: యూఎస్‌‌తో గ్యాప్ తగ్గించుకుంటోంది.

రష్యా: 2019 తర్వాత మొదటిసారిగా ఈ దేశం పవర్‌‌‌‌‌‌‌‌ పెరిగింది.  చైనా–ఉత్తర కొరియాతో  ఎకానమీ, డిఫెన్స్‌‌‌‌ భాగస్వామ్యాలతో గ్లోబల్‌‌‌‌గా తన ఇన్‌‌‌‌ఫ్లూయెన్స్‌‌‌‌ను పెంచుకుంటోంది.

జపాన్: స్థిరంగా ఉన్నా, కొన్ని సూచికల్లో ప్రతికూల ఫలితాలను నమోదు చేసింది.

దక్షిణ-ఆసియా దేశాలు: కిందటేడాదితో పోలిస్తే పెద్దగా మెరుగుపడలేదు.