భారత్, రష్యా ఆయిల్ ఒప్పందంపై అమెరికా అధ్యక్షుడు మరోసారి కామెంట్స్ చేశారు. ఇకపై భారత్.. రష్యానుంచి అయిల్ ను కొనుగోలు చేయదని రెండోసారి అదే పాట పాడారు. ఉక్రెయిన్‌లో యుద్ధానికి సంబంధించి కీలకమైన ఆయుధ చర్చలు సందర్బంగా అమెరికా అధ్యక్షుడు ట్రంప్ శుక్రవారం ఈ వ్యాఖ్యలు చేశారు.
బుధవారం వైట్ హౌస్ లో మాట్లాడిన ట్రంప్.. రష్యా నుంచి ఆయిల్ కొనుగోలు భారత్ నిలిపివేస్తుందని.. ప్రధాని నాకు హామీ ఇచ్చారని అన్న విషయం తెలిసిందే.. అమెరికా అధ్యక్షుడి వాదనలకు ప్రతిస్పందనగా భారత్ అలాంటిదేమీ లేదు.. ఇంధన దిగుమతులు పూర్తిగా కస్టమర్ల ప్రయోజనాలను కాపాడటమే లక్ష్యంగా ఉంటాయని తెలిపింది. అయితే శుక్రవారం జెలెన్ స్కీ తో జరిగిన సమావేశంలో కూడా మరోసారి ఇవే మాటలు రిపీట్ చేశారు ట్రంప్.
ఇటీవల రష్యా చమురు కొనుగోలు కారణంగా ట్రంప్ భారతదేశంపై 50 శాతం సుంకాలను విధించారు. అందులో అదనంగా 25 శాతం సుంకాలు కూడా ఉన్నాయి.
