న్యూఢిల్లీ: వన్డే వరల్డ్‌ కప్ నెగ్గిన తర్వాత ఇండియా విమెన్స్ టీమ్ తొలి పోరుకు రెడీ అవుతోంది. సొంతగడ్డపై శ్రీలంకతో ఐదు మ్యాచ్‌‌‌‌ల టీ20 సిరీస్ ఆడనుంది. డిసెంబర్ 21 నుంచి 30 వరకు జరిగే ఈ సిరీస్ షెడ్యూల్‌‌‌‌ను బీసీసీఐ శుక్రవారం ప్రకటించింది. వాస్తవానికి ఇదే సమయంలో ఇండియా.. బంగ్లాదేశ్‌‌‌‌తో స్వదేశంలో సిరీస్ ఆడాల్సి ఉంది. అయితే, ఇరు మధ్య రాజకీయ ఉద్రిక్తతల కారణంగా ఆ సిరీస్ వాయిదా పడింది. దీంతో బీసీసీఐ.. లంకతో సిరీస్‌‌‌‌ను ఏర్పాటు చేసింది. 2016 తర్వాత ఇండియాలో లంక అమ్మాయిలు సిరీస్ ఆడటం ఇదే తొలిసారి. డిసెంబర్ 21, 23న జరిగే తొలి రెండు మ్యాచ్‌‌‌‌లకు వైజాగ్ ఆతిథ్యమివ్వనుంది. చివరి మూడు మ్యాచ్‌‌‌‌లు 26, 28, 30వ తేదీల్లో తిరువనంతపురంలో జరుగుతాయి.
