India vs New Zealand: భారత్, న్యూజిలాండ్ జట్ల మధ్య ఐదు టీ20ల సిరీస్‌లో భాగంగా వెల్లింగ్టన్‌లోని హెన్రీ స్టేడియం వేదికగా ఈరోజు (2026, అక్టోబర్ 27, మంగళవారం) జరుగుతున్న మూడో టీ20 (3rd T20I) పోరులో టాస్ గెలిచిన భారత కెప్టెన్ శ్రేయస్ అయ్యర్ (Shreyas Iyer) ముందుగా ఫీల్డింగ్ తీసుకున్నాడు. ఇప్పటికే తొలి రెండు మ్యాచుల్లో విజయం సాధించి సిరీస్‌లో 2–0 ఆధిక్యంలో ఉన్న టీమిండియా, ఈ మ్యాచ్‌లోనూ గెలిచి సిరీస్‌ను కైవసం చేసుకోవాలని పట్టుదలతో ఉంది. టాస్ గెలిచిన అనంతరం ఇరు జట్ల కెప్టెన్లు మైదాన పరిస్థితులు, జట్టు మార్పులపై ఆసక్తికర విషయాలు వెల్లడించారు.
భారత కెప్టెన్ శ్రేయస్ అయ్యర్ మాట్లాడుతూ.. మేము ముందుగా బౌలింగ్ చేయబోతున్నాం.. కొన్ని అంశాల్లో మేము ఖచ్చితంగా మరింత మెరుగుపడాల్సిన అవసరం ఉంది. గత మైదానాలతో పోలిస్తే ఇక్కడ పరిస్థితులు, గ్రౌండ్ బౌండరీ కొలతలు వేరుగా ఉన్నాయి. ఎంత వేగంగా వీటికి అలవాటు పడితే జట్టుకు అంత మంచిది. స్టార్టింగ్ ఎలెవన్‌లో చోటు దక్కనప్పుడు ఎలా వ్యవహరించాలో మా జట్టులోని ఆటగాళ్లకు బాగా తెలుసు.. గత మ్యాచ్‌లో ఆడిన సేమ్ టీమ్‌తోనే మేము బరిలోకి దిగుతున్నామని శ్రేయస్ వెల్లడించాడు.
న్యూజిలాండ్ కెప్టెన్ మిచెల్ శాంట్నర్ మాట్లాడుతూ.. ఈ పిచ్ మంచి పేస్, బౌన్స్‌తో మ్యాచ్‌కు సహకరించేలా కనిపిస్తోంది. ఈరోజు గాలి లేకపోవడం మంచి పరిణామం.. గతంలో ఆడిన గ్రౌండ్‌తో పోలిస్తే ఇక్కడి బౌండరీ డైమెన్షన్స్ భిన్నంగా ఉన్నాయి. భారత్ అత్యుత్తమ జట్టు, వారిపై ఏమాత్రం నిర్లక్ష్యంగా ఉండటానికి వీల్లేదు.. ఈ మ్యాచ్ కోసం మేము జట్టులో మూడు మార్పులు చేశాం.. మ్యాట్ హెన్రీ, లాకీ ఫెర్గూసన్, నాథన్ స్మిత్‌లను తప్పించి.. మ్యాథ్యూ ఫిషర్, కైల్ జేమీసన్, ఆడమ్ మిల్నేలను తుది జట్టులోకి తీసుకున్నామని శాంట్నర్ పేర్కొన్నాడు.
తుది జట్లు:
భారత్: సంజు శాంసన్ (వికెట్ కీపర్), అభిషేక్ శర్మ, వైభవ్ సూర్యవంశీ, శ్రేయాస్ అయ్యర్ (కెప్టెన్), తిలక్ వర్మ, నితీష్ కుమార్ రెడ్డి, నమన్ ధీర్, అక్షర్ పటేల్, భువనేశ్వర్ కుమార్, అర్ష్‌దీప్ సింగ్, ప్రిన్స్ యాదవ్.
న్యూజిలాండ్: టిమ్ సైఫర్ట్ (వికెట్ కీపర్), ఫిన్ అలెన్, డారిల్ మిచెల్, గ్లెన్ ఫిలిప్స్, బెవాన్ జాకబ్స్, మైఖేల్ బ్రేస్‌వెల్, మిచెల్ శాంట్నర్ (కెప్టెన్), కైల్ జేమీసన్, ఆడమ్ మిల్నే, జాకబ్ డఫీ, మ్యాథ్యూ ఫిషర్.
We go unchanged for the 3️⃣rd T20I in Wellington 📝 Updates ▶️ https://t.co/zf4CnZQ8CD #TeamIndia | #NZvIND https://t.co/J7tp6A9WNV
— BCCI (@BCCI) October 27, 2026
