జమ్మూ కాశ్మీర్లో భారత సైన్యం మరోసారి గొప్ప మనసు చాటు కుంది. పురిటి నొప్పులతో బాధపడుతున్న నిండు గర్బిణిని మంచులో శ్రమించి హాస్పిటల్ కు తరలించింది. మచల్ సెక్టార్లోని కుప్వారా జిల్లాలో ఈ ఘటన జరిగింది. దూది అనే గ్రామంలో ఓ నిండు గర్భిణి పురిటి నొప్పులతో బాధపడుతున్నట్లుగా తెలుసుకున్న ఆర్మీ జవాన్లు వెంటనే స్పందించారు. గడ్డ కట్టిన మంచులో ఆమెను స్ట్రెచర్‌పై మోసుకెళ్లి హెలికాప్టర్ లో హాస్పిటల్ కు తరలించారు. మనిషి నడవడానికి కష్టమైన ఆ దారిలో జవాన్లు ప్రాణాలుపణంగా పెట్టి గర్భిణిని తీసుకెళ్లడంపై పలువురు నెటిజన్లు ప్రశంసలు కురిపిస్తున్నారు.
