- అమలుకు నోచుకోని హామీలు
- భూమిని చదును చేసి రోడ్లు వేసినా రాని ఇండస్ట్రీస్
- కాంగ్రెస్ ప్రభుత్వంలోనైనా ఏర్పాటు చేయాలని కోరుతున్న స్థానికులు
కామారెడ్డి, వెలుగు: కామారెడ్డి జిల్లాలో ఇండస్ట్రీస్ ముఖ్యంగా ఫుడ్ ప్రాసెసింగ్ జోన్ఏర్పాటు హామీలకే పరిమితమవుతోంది. అందుబాటులో వనరులు ఉన్నా అడుగులు ముందుకు పడట్లేదు. జిల్లాలో 2 చోట్ల పుడ్ ప్రాసెసింగ్యూనిట్లు ఏర్పాటు చేస్తామని గత ప్రభుత్వ పెద్దలు ప్రకటించారు. సదాశివనగర్మండలంలో భూ సేకరణ చేపట్టి డెవలప్ మెంట్చేసినప్పటికీ యూనిట్ల ఏర్పాటు మాత్రం జరగలేదు. ప్రస్తుతం ఖమ్మం జిల్లాలో తొలి మెగా ఫుడ్పార్కు ప్రారంభానికి సిద్ధమవుతోంది. ఈ నేపథ్యంలో కామారెడ్డి జిల్లాలో కూడా ఫుడ్ ప్రాసెసింగ్ యూనిట్ల ఏర్పాటు దిశగా ఇక్కడి ప్రజాప్రతినిధులు కృషి చేయాలని స్థానికులు కోరుతున్నారు.
వనరులు పుష్కలం..
రాష్ట్ర రాజధానికి దగ్గరగా ఉండటం, రవాణాపరంగా రైల్వే లైన్, 2 హైవేలు, ప్రభుత్వ భూములు ఇలా కామారెడ్డి జిల్లాలో వనరులు పుష్కలంగా ఉన్నాయి. పంటల సాగు గణనీయంగా ఉండడంతో ఇండస్ట్రీయల్జోన్ కోసం భిక్కనూరు మండలం జంగంపల్లి శివారులో ఏడేళ్ల క్రితం భూములు పరిశీలించారు. కామారెడ్డి ఏరియాతో పాటు జుక్కల్ నియోజకవర్గంలో ఫుడ్ప్రాసెసింగ్యూనిట్ ఏర్పాటు చేస్తామని గతంలో ప్రకటించారు.
ఎల్లారెడ్డి నియోజకవర్గానికి సంబంధించి సదాశివనగర్ మండలం లింగంపల్లి, జనగామ, తాడ్వాయి మండలం కరడ్పల్లి శివారులో 9 ఎకరాల భూమిని సేకరించారు. స్టేట్ఇండస్ట్రీయల్ ఇన్ఫ్రాస్టక్చర్కార్పొరేషన్ఆధ్వర్యంలో ఇక్కడ డెవలప్మెంట్వర్క్స్ సైతంచేపట్టారు. భూమిని చదును చేసి మెయిన్, ఇంటర్నల్ రోడ్లు వేశారు. జిల్లాలో ప్రధానంగా వరి, మక్క, సోయా, పత్తి పంటలు సాగు అవుతుండడంతో ఆయా యూనిట్లు ఏర్పాటు చేసే వారికి ఈ భూములు కేటాయించనున్నట్లు ఆఫీసర్లు ప్రకటించారు. కానీ, గత ప్రభుత్వం హయాంలో మాటలకు తగ్గట్టుగా అడుగులు ముందుకు పడలేదు.
కాంగ్రెస్ ప్రభుత్వంలోనైనా..
జిల్లాలో ఇండస్ట్రీస్ లేవు. స్థానికులకు ప్రధాన జీవనాధారం వ్యవసాయం. ఉపాధి కోసం ఇక్కడి యువత గల్ఫ్ దేశాలు, ఇతర స్టేట్స్, హైదరాబాద్కు వలస వెళ్తున్నారు. ఇక్కడ ఫుడ్ప్రాసెసింగ్యూనిట్లు, ఇతర పరిశ్రమలు ఏర్పాటు చేయటం ద్వారా స్థానికులకు ప్రత్యక్షంగా, పరోక్షంగా ఉపాధి అవకాశాలు మెరుగు అవుతాయి. పంటలకు గిట్టుబాటు ధర రావడంతోపాటు ఆయా ఏరియాలు డెవలప్మెంట్ కావటానికి ఆస్కారం ఉంటుంది.
ఇప్పటికే సదాశివనగర్ మండలం లింగంపల్లి శివారులో ప్రాసెసింగ్ యూనిట్ల ఏర్పాటుకు అవసరమైన విధంగా కొంత పనులు చేపట్టారు. ఈ క్రమంలో కాంగ్రెస్ ప్రభుత్వంలోనైనా కామారెడ్డి జిల్లాలో పుడ్ ప్రాసెసింగ్ యూనిట్లు, ఇండస్ట్రీస్ ఏర్పాటు చేయాలని జిల్లా వాసులు కోరుతున్నారు.
