ప్రముఖ సాప్ట్ వేర్ సంస్థ ఇన్ఫోసిస్ అమెరికాలోని కాలిఫోర్నియా ప్రభుత్వానికి భారీ జరిమానా చెల్లించనుంది. వీసా నిబంధనలు ఉల్లంఘించడంతో పాటు దానికి సంబంధించిన పన్ను అవకతవకలకు పాల్పడినందుకు 8లక్షల డాలర్లు(రూ.565కోట్లు) జరిమానా విధించినట్టు కాలిఫోర్నియా అటార్నీ జనరల్ జేవియర్ తెలిపారు. 2006-2017వరకు దాదాపు 500 మంది ఉద్యోగులను ఇన్ఫోసిస్ H-1B వీసాకు బదులు B-1 వీసాపై కాలిఫోర్నియాకు పంపించింది. తద్వారా అక్కడి వీసా నిబంధనలు ఉల్లంఘించినట్టయింది. H-1B వీసాలపై పరిమితి ఉండటం, ఆ వీసాపై వచ్చే ఉద్యోగులకు అక్కడి ప్రమాణాల ప్రకారం వేతనం చెల్లించాల్సి ఉండటంతో ఇన్ఫోసిస్ B-1 వీసాపై ఉద్యోగులను అక్కడికి తరలించిందన్న ఆరోపణలున్నాయి. గతంలో సంస్థలో పనిచేసిన ఓ ఉద్యోగి దీనిపై అమెరికా ప్రభుత్వానికి ఫిర్యాదు చేయడంతో విచారణ జరిపించారు. ఇన్ఫోసిస్ అవకతకవలు బయటపడటంతో ప్రభుత్వం విధించిన జరిమానా చెల్లించేందుకు సంస్థ ఒప్పుకుంది.
