జలాంతర్గామి వ్యతిరేక యుద్ధనౌకల్లో మొదటిది అయిన ఐఎన్ఎస్ అర్నాలా విశాఖపట్టణంలోని నావల్ డాక్ యార్డ్ లో డిఫెన్స్ స్టాఫ్ చీఫ్ జనరల్ అనిల్ చౌహాన్ సమక్షంలో భారత నావికాదళం తూర్పు నావల్ కమాండులోకి ప్రవేశించింది. ఈ వేడుకకు తూర్పు నావికాదళ కమాండులోని ఫ్లాగ్ ఆఫీసర్ కమాండింగ్–ఇన్–చీఫ్ నిర్వహించారు.
ఈ కార్యక్రమంలో సీనియర్ నావికాదళ అధికారులు, పూర్వపు అర్నాలా మాజీ కమాండింగ్ అధికారులు, అతిథులు, గార్డెన్ రీచ్ షిప్ బిల్డర్స్ అండ్ ఇంజినీర్స్ (జీఆర్ఎస్ఈ), లార్సెన్స్ అండ్ టూబ్రో షిప్ బిల్డింగ్ ప్రతినిధులు పాల్గొన్నారు. విస్తృత శ్రేణి జలాంతర్గామి వ్యతిరేక కార్యకలాపాల కోసం రూపొందించిన ఐఎన్ఎస్ అర్నాలా, సబ్ సర్ఫేస్ సర్వైలెన్స్ ఇంటర్ డిక్షన్, సెర్చ్ రెస్క్యూ మిషన్లు, తక్కువ ఇంటెన్సిటీ మారిటైమ్ ఆపరేషన్స్(ఎన్ఐఎంఓ) నిర్వహించడానికి సన్నద్ధమైంది.
77 మీటర్ల పొడవు ఉన్న ఈ యుద్ధనౌక, 1490 టన్నులకు పైగా స్థూల టన్నులతో, డీజిల్ ఇంజిన్ వాటర్ జెట్ కలయికతో నడిచే అతిపెద్ద భారతీయ నావికాదళ యుద్ధనౌక. ఐఎన్ఎస్ అర్నాలా భారతదేశ రక్షణ సామర్థ్యాన్ని బలోపేతం చేయడమే కాకుండా, స్వదేశీ డిజైన్, ఇంజినీరింగ్, తయారీ విజయాన్ని కూడా హైలైట్ చేస్తుంది. భారతదేశం మరింత స్వావలంబన దిశగా తన సముద్ర ప్రయాణాన్ని కొనసాగిస్తున్నప్పుడు, ఐఎన్ఎస్ అర్నాలా జాతీయ బలం, పారిశ్రామిక భాగస్వామ్యం, నావికా నైపుణ్యానికి గర్వ చిహ్నంగా నిలుస్తుంది.
