హైదరాబాద్, వెలుగు: ఇంటర్- డీపీఎస్ నేషనల్ లెవెల్ ఆర్చరీ చాంపియన్షిప్ శనివారం ఢిల్లీ పబ్లిక్ స్కూల్ (డీపీఎస్) కొల్లూరులో ఘనంగా ప్రారంభమైంది. వరుసగా మూడో ఏడాది కొల్లూరు డీపీఎస్ ఆతిథ్యం ఇస్తున్న ఈ టోర్నీని ఆ స్కూల్ వైస్ చైర్మన్ టి. భీమ్సేన్, ప్రిన్సిపాల్ వసంతతో కలిసి ప్రారంభించారు. రెండు రోజుల పాటు జరిగే ఈ పోటీల్లో 17 రాష్ట్రాల నుంచి దాదాపు 200 మంది క్రీడాకారులు పోటీపడుతున్నారు.
