కోల్బెల్ట్/బెల్లంపల్లి రూరల్, వెలుగు : సింగరేణి గుర్తింపు సంఘం ఎన్నికల ప్రచారంలో భాగంగా మందమర్రి ఏరియాలోని బొగ్గు గనులు, డిపార్ట్మెంట్ల నుంచి ఐఎన్టీయూసీ యూనియన్లో భారీగా చేరికలు జరిగాయి. సోమవారం మందమర్రి ఏరియాలోని కేకే-5, కాసీపేట1, కాసీపేట2, కేకే ఓసీపీ, ఆర్కేపీ ఓసీపీ, ఎస్అండ్పీసీ, ఆర్కేపీ సింగరేణి ఏరియా ఆసుపత్రి, సీహెచ్పీ, సింగరేణి జీఎం ఆఫీసుల్లో ఏర్పాటు చేసిన ప్రచార గేట్ మీటింగుల్లో ఎమ్మెల్యే డాక్టర్జి.వివేక్ వెంకటస్వామి, మాజీ ఎమ్మెల్యే నల్లాల ఓదెలు చీఫ్ గెస్టులుగా హాజరై మాట్లాడారు.
ఈ సందర్భంగా టీబీజీకేఎస్, ఏఐటీయూసీ యూనియన్లకు చెందిన కీలక లీడర్లు, కార్యకర్తలు ఐఎన్టీయూసీలో చేరారు. రామకృష్ణాపూర్ ఓపెన్ కాస్ట్ గనికి చెందిన టీబీజీకేఎస్సెంట్రల్కమిటీ మెంబర్ ఏడుకోల పవన్, ఏరియా సెక్రటరీలు ఎనగందుల శంకర్, మేడ సమ్మయ్య, కాసీపేట-2 పిట్సెక్రటరీ కారుకూరి తిరుపతి, ఆర్కేపీ ఓసీపీలో ఫోర్ మెన్లు రాజ్కుమార్, మోహన్, నీలం శ్రీనివాస్గౌడ్
ఎస్అండ్పీసీ విభాగంలో చారి, జగన్నాథ్, ప్రసాద్, సీహెచ్పీ ఏఐటీయూసీ మాజీ పిట్ సెక్రటరీ లక్కిరెడ్డి సంజీవ్, కేకే ఓసీపీలో మహిళా ఉద్యోగులు వివేక్ వెంకటస్వామి సమక్షంలో ఐఎన్టీయూసీలో చేరారు. అన్ని గనులపై వందలాదిగా ఉద్యోగులు, కార్మికులు చేరడంతో ఐఎన్టీయూసీలో జోష్నిండింది. ఐఎన్టీయూసీ యూనియన్ గెలుపుపై ధీమా పెరిగింది.
సమస్యలపై వినతులు
మందమర్రి ఏరియాలోని బొగ్గు గనులపై ఎన్నికల ప్రచారం చేసిన వివేక్ వెంకటస్వామికి సమస్యలపై పలు వినతులు అందాయి. రామకృష్ణాపూర్ ఓపెన్ కాస్ట్ గని జీవితకాలం పెంపుదల, కేకే ఓసీపీ ఉద్యోగులకు హెచ్ఆర్ఏ వర్తింపు, కాంట్రాక్ట్కార్మికులకు హైపవర్ వేతనాలు, గనులపై మహిళా ఉద్యోగులకు సౌకర్యాల పెంపు, ఆర్కేపీ ఏరియా ఆసుపత్రిలో ఉద్యోగుల సమస్యల పరిష్కారానికి కృషి చేయాలని పలువురు ఎమ్మెల్యేను కోరారు.
వీటిపై ఆయన సానుకూలంగా స్పందించారు. ఈ ఎన్నికల ప్రచారంలో ఐఎన్టీయూసీ లీడర్లు కాంపెల్లి సమ్మయ్య, దేవి భూమయ్య, తేజావత్ రాంబాబు, నరేందర్, మహంకాళి శ్రీనివాస్, మిట్ట సూర్యానారాయణ, సంఘ బుచ్చయ్య, మండ భాస్కర్, బన్న లక్ష్మణ్, బత్తుల వేణు, నూనె సాంబయ్య, సత్యనారాయణ
కాంగ్రెస్లీడర్లు రాఘునాథ్రెడ్డి, పుల్లూరి లక్ష్మణ్, సొత్కు సుదర్శన్, బండి సదానందం, ఉపేందర్గౌడ్, గుడ్ల రమేశ్, చిర్రకుంట సర్పంచి కొమురయ్య తదితరులు పాల్గొన్నారు.
