చండీగఢ్: హర్యానా కేడర్‌‌కు చెందిన సీనియర్ ఐపీఎస్ ఆఫీసర్ వై.పురాన్ కుమార్ ఆత్మహత్యకు పాల్పడ్డారు. మంగళవారం ఆయన చండీగఢ్ సెక్టార్ 11లోని తన ఇంట్లో సర్వీస్ రివాల్వర్తో కాల్చుకుని చనిపోయారు.
‘‘సెక్టార్ 11 పోలీస్ స్టేషన్‌‌కు మధ్యాహ్నం 1:30 గంటలకు కాల్పుల గురించి సమాచారం అందింది. దీంతో ఘటనాస్థలానికి చేరుకుని పరిశీలించాం. మృతుడిని ఐపీఎస్ అధికారి వై. పురాన్ కుమార్గా గుర్తించాం. ఆత్మహత్యకు కారణం ఇంకా తెలియరాలేదు. గదిలో సూసైడ్ నోట్ ఏమీ దొరకలేదు. దర్యాప్తు కొనసాగుతోంది" అని పోలీసులు పేర్కొన్నారు.
2001 బ్యాచ్కు చెందిన పురాన్ కుమార్.. పోలీస్ సర్వీస్‌‌లో ఉన్నత స్థాయి హోదాల్లో పనిచేశారు. అదనపు డైరెక్టర్ జనరల్ ఆఫ్ పోలీస్ (ఏడీజీపీ) ర్యాంక్‌‌లో ఉన్నారు. సెప్టెంబర్ 29న ఆయన రోహ్‌‌తక్‌‌లోని సునారియాలోని పోలీస్ శిక్షణా కేంద్రం(పీటీసీ)లో ఐజీగా నియమితులయ్యారు.
