ప్రస్తావన లేని గగన్యాన్
న్యూఢిల్లీ: స్పేస్ డిపార్ట్మెంట్కు ఈ ఏడాది బడ్జెట్ను కొంచెం పెంచింది కేంద్ర ప్రభుత్వం. రూ.13,479.47 కోట్ల రూపాయలను బడ్జెట్లో కేటాయించింది. ఇస్రో హెడ్క్వార్టర్స్కు రూ.194 కేటాయించిన సర్కారు, స్పేస్ టెక్నాలజీకి ఎక్కువ మొత్తంలో రూ.9,761.5 కోట్ల నిధులు కేటాయించింది. టెలికమ్యూనికేషన్స్, టీవీ ప్రసారాలు, వాతావరణం, రెస్క్యూ ఆపరేషన్ల కోసం ఇస్రో పంపిన ఇన్శాట్ శాటిలైట్ సిస్టమ్ కోసం రూ.750 కోట్లు ప్రతిపాదించింది. కేటాయించిన బడ్జెట్లో స్పేస్ రీసెర్చ్ కోసం రూ.5,668 కోట్లు ఇచ్చింది. స్పేస్ రీసెర్చ్లో క్యాపిటల్ ఔట్ లే కింద రూ.7,775 కోట్లు కేటాయించింది. ఇస్రో పెట్టిన వాణిజ్య విభాగం న్యూ స్పేస్ ఇండియా లిమిటెడ్కు మాత్రం ఈసారి బడ్జెట్లో ఎలాంటి కేటాయింపులు చేయలేదు. ఈ ఏడాది డిసెంబర్లో చేయబోతున్న గగన్యాన్ ప్రయోగం ఊసే లేదు. అయితే, భవిష్యత్లో చేపట్టబోయే మార్స్ ఆర్బిటర్ మిషన్ (మామ్) 2, వీనస్ మిషన్, ఆదిత్య ఎల్1, స్పేస్ డాకింగ్ ఎక్స్పెరిమెంట్ వంటి వాటిని మాత్రం ప్రస్తావించింది. కాగా, గత ఏడాది 12,473.26 కోట్లను కేటాయించింది కేంద్రం.