చంద్రయాన్ 2 ల్యాండర్ విక్రమ్పై ఇస్రో ఇంకా ఆశలు వదులుకోలేదు. విక్రమ్ను తిరిగి లైన్లోకి తెచ్చేందుకు ప్రయత్నిస్తూనే ఉంది. ‘‘ప్రస్తుతం విక్రమ్ను దారిలోకి తేవడం కుదరదు. ఇప్పుడు చందమామపై చీకటి ఉంది. కొద్ది రోజుల తర్వాత సూర్యుడు వస్తాడు. అప్పుడు మళ్లీ విక్రమ్తో కమ్యూనికేట్ చేయడానికి ప్రయత్నిస్తాం” అని ఇస్రో చైర్మన్ కె. శివన్ చెప్పారు. అయితే, ఇప్పుడు విక్రమ్ను తిరిగి దారిలోకి తేవడం చాలా కష్టమని కొందరు ఇస్రో అధికారులు అంటున్నారు. హార్డ్ ల్యాండ్ అయిన ఇన్నాళ్లకు దాన్ని మళ్లీ లింక్ చేయడమంటే చాలా కష్టమైన పని అని అభిప్రాయపడుతున్నారు. చలి వాతావరణంతో పాటు, చందమామను బలంగా విక్రమ్ ఢీకొట్టిందని, దాని ప్రభావమూ ఉంటుందని అన్నారు. దాని ప్రభావంతో ల్యాండర్ లోపల సాఫ్ట్వేర్లతో పాటు చాలా వస్తువులు దెబ్బ తిని ఉంటాయని అన్నారు.
