- గచ్చిబౌలి పీఎస్ పరిధిలో ఘటన
గచ్చిబౌలి, వెలుగు: లవ్ ఫెయిల్యూర్తో ఐటీ ఎంప్లాయ్ సూసైడ్ చేసుకున్న ఘటన గచ్చిబౌలి పీఎస్ పరిధిలో జరిగింది. ఎస్సై రాజశేఖర్ రెడ్డి తెలిపిన వివరాల ప్రకారం.. ఏపీలోని నంద్యాల జిల్లా ఆళ్లగడ్డ మండలం బాతులూరు గ్రామానికి చెందిన గజ్జల నాగశేషులు కొడుకు నాగచక్రపాణి(28) గచ్చిబౌలిలోని ఓ ప్రైవేటు హాస్టల్లో ఉంటున్నాడు. ఓ ఐటీ కంపెనీలో సాఫ్ట్వేర్ జాబ్ చేస్తున్నాడు. అదే కంపెనీలో పనిచేసే ఓ యువతిని చక్రపాణి ప్రేమించాడు.
బుధవారం నాగచక్రపాణి తాను ఉంటున్న హాస్టల్ రూమ్లో ఫ్యాన్కు బెడ్ షీట్తో ఉరేసుకున్నాడు. రూమ్ మేట్స్ గమనించి వెంటనే గచ్చిబౌలి పోలీసులకు, నాగచక్రపాణి తండ్రికి సమాచారం అందించారు. పోలీసులు అక్కడికి చేరుకుని డెడ్బాడీని ఉస్మానియాకు తరలించారు. అతడి ఆత్మహత్యకు లవ్ ఫెయిల్యూర్ కారణమని పోలీసులు తెలిపారు. నాగశేషులు ఇచ్చిన కంప్లయింట్ మేరకు కేసు ఫైల్ చేసి దర్యాప్తు చేస్తున్నట్లు చెప్పారు.
ఆర్థిక ఇబ్బందులతో మరొకరు..
జీడిమెట్ల: ఆర్థిక ఇబ్బందులతో ఓ వ్యక్తి సూసైడ్ చేసుకున్న ఘటన సూరారం పీఎస్ పరిధిలో జరిగింది. పోలీసులు తెలిపిన వివరాల ప్రకారం.. ఒడిశాకు చెందిన శరత్ పాండే(26) బతుకుదెరువు కోసం సిటీకి వచ్చి సూరారం కాలనీలో ఉంటూ జీడిమెట్ల ఇండస్ట్రియల్ ఏరియాలోని ఓ కంపెనీలో వాచ్మన్గా పనిచేస్తున్నాడు. ఆర్థిక సమస్యలతో ఇబ్బంది పడుతున్న శరత్.. డ్యూటీకి వెళ్లకుండా ఇంట్లోనే ఉంటున్నాడు. దీంతో భార్యాభర్తల మధ్య గొడవ జరిగింది. బుధవారం అర్ధరాత్రి శరత్ ఇంట్లో ఉరేసుకున్నాడు. పోలీసులు కేసు ఫైల్ చేసి దర్యాప్తు చేస్తున్నారు.
