మాస్ మహారాజ్ రవితేజ(Raviteja) హీరో వస్తున్నా టైగర్ నాగేశ్వర రావు(Tiger nageswara rao) మూవీ నిర్మాత అభిషేక్ అగర్వాల్(Abhishek agarwal) కార్యాలయంలో ఐటీ సోదాలు చేపట్టారు అధికారులు. హైదరాబాద్ లోని ఆయన కార్యాలయంలో ఈ ఐటీ దాడులు జరిగాయి. అభిషేక్ అగర్వాల్ టైగర్ నాగేశ్వరరావు సినిమాను పాన్ ఇండియా లెవల్లో నిర్మించారు. ఇందుకోసం ఆయన చాలా ఎక్కువ మొత్తం ఖర్చు చేశారు.
ఈ క్రమంలోనే సినిమా కోసం పెట్టిన డబ్బులు ఎక్కడనుండి తీసుకొచ్చారు, దానికి సంబందించిన లావాదేవీలు సరిగా ఉన్నాయా, ఎక్కడైనా పన్ను ఎగవేతలు లాంటివి జరిగాయా అనే నేపధ్యంలోనే ఈ దాడులు నిర్వహించారు అధికారులు. ఇక దీనికి సంబందించిన పూర్తి వివరాలు తెలియాల్సి ఉంది.
Also Read :- లిప్ లాక్స్తో రెచ్చిపోయిన రణ్బీర్, రష్మిక
ఇక టైగర్ నాగేశ్వర రావు సినిమా విషయానికి వస్తే.. స్టూవర్టుపురం గజదొంగ టైగర్ నాగేశ్వర రావు జీవిత కథ ఆధారంగా ఈ సినిమా తెరకెక్కుతోంది. పాన్ ఇండియా లెవల్లో వస్తున్న ఈ సినిమా దసరా కానుకగా అక్టోబర్ 20న ప్రేక్షకుల ముందుకు రానుంది. ఈ సినిమాలో బాలీవుడ్ బ్యూటీ నురూప్ సనన్ హీరోయిన్ గా నటిస్తుండగా.. రేణు దేశాయ్ కీ రోల్ లో కనిపించనున్నారు. జీవీ ప్రకాష్ సంగీతం అందిస్తున్నారు. మరి భారీ అంచనాల మధ్య రిలీజ్ అవుతున్న ఈ సినిమా ఎలాంటి రిజల్ట్ ను దక్కించుకుంటుందో చూడాలి.
