వక్ఫ్ సవరణ బిల్లు 2024 పై జైంట్ పార్లమెంటరీ కమిటీ (జేపీసీ) ని31 మంది సభ్యులతో ఏర్పాటు చేశారు. ఈ కమిటీకి బీజేపీ ఎంపీ జగదాంబికా పాల్ అధ్యక్షత వహించారు. లోక్ సభ నుంచి 21 మంది సభ్యులు, రాజ్యసభ నుంచి 10 మంది సభ్యులు ఇందులో సభ్యులుగా ఉంటారు. లోక్ సభలో అధికార బీజేపీ నుంచి 12 మంది, ప్రతిపక్షం నుంచి 9 మంది జేపీసీ సభ్యులుగా వ్యవహరిస్తున్నారు.
జేపీసీలో లోక్‌సభ సభ్యులు జగదాంబిక పాల్ (ఛైర్మన్), నిశికాంత్ దూబే, తేజస్వి సూర్య, అపరాజిత సారంగి, అభిత్ గంగోపాధ్యాయ, సంజయ్ జైస్వాల్, దిలీప్ సైకియా, డీకే అరుణ బీజేపీకి చెందిన వారు.కాంగ్రెస్ సభ్యుల్లో గౌరవ్ గొగోయ్, ఇమ్రాన్ మసూద్, మహ్మద్ ఉన్నారు.
హిబుల్లా (సమాజ్‌వాదీ పార్టీ), కళ్యాణ్ బెనర్జీ (తృణమూల్ కాంగ్రెస్), ఎ రాజా (డిఎంకె), లావు శ్రీ కృష్ణ దేవరాయలు (తెలుగు దేశం పార్టీ), దిలేశ్వర్ కమైత్ (జేడీయూ), అరవింద్ సావంత్ (శివసేన-యుబిటి), సురేష్ మ్హత్రే (NCP-శరద్ పవార్ ), నరేష్ మ్హాస్కే (శివసేన), అరుణ్ భారతి (లోక్ జనశక్తి పార్టీ-రామ్ విలాస్), అసదుద్దీన్ ఒవైసీ (AIMIM) ప్యానెల్‌లోని ఇతర సభ్యులు.
జేపీసీలో రాజ్యసభ సభ్యులు
రాజ్యసభలో బీజేపీ ప్రతిపక్షాల నుంచి ఒక్కొక్కరు చొప్పున నలుగురు సభ్యులు ఉండగా ఒకరు నామినేటెడ్ సభ్యుడు జేపీసీలో ఉన్నారు. బ్రిజ్ లాల్ (బిజెపి), మేధా విశ్రమ్ కులకర్ణి (బిజెపి), గులాం అలీ (బిజెపి), రాధా మోహన్ దాస్ అగర్వాల్ (బిజెపి), సయ్యద్ నసీర్ హుస్సేన్ (కాంగ్రెస్), మహ్మద్ నడిముల్ హక్ (తృణమూల్ కాంగ్రెస్), వి విజయసాయి రెడ్డి (వైఎస్‌ఆర్‌సీపీ), ఎం. మొహమ్మద్ అబ్దుల్లా (DMK), సంజయ్ సింగ్ (AAP), నామినేటెడ్ సభ్యుడు ధర్మస్థల వీరేంద్ర హెగ్గడే ఉన్నారు.
వక్ఫ్ సవరణ బిల్లు 2024ను ఆగస్టు 8,2024న లోక్ సభలో పార్లమెంటరీ వ్యవహారాల మంత్రి కిరెన్ రిజుజు ప్రవేశపెట్టగా ప్రతిపాదిత సవరణలపై సభ జరిగింది. అయితే ప్రతిపక్ష పార్టీలు బిల్లులో లోపాలున్నాయని జైంట్ పార్లమెంటరీ కమిటీకి పంపాలని పట్టుబట్టడంతో కేంద్రం జేపీసీకి పంపింది.
8.5 లక్షల ఆస్తులను చేర్చడం వల్ల వక్ఫ్ చట్టంలో మార్పులు చేర్పులు చేయవచ్చని.. బీజేపీ మిత్రపక్షాలు అయిన టీడీపీ, జేడీయూ బిల్లుకు మద్దతు తెలిపాయి. అయితే కాంగ్రెస్, సమాజ్ వాదీ పార్టీ, ఏఐఎంఐఎం సహా ఇండియా కూటమి మిత్రపక్షాలు ఈ బిల్లును తీవ్రంగా వ్యతిరేకించాయి.
