సూపర్‌స్టార్ రజనీకాంత్ పేరు వినిపిస్తే చాలు.. థియేటర్లలో అభిమానుల సందడి ఏ స్థాయిలో ఉంటుందో ప్రత్యేకంగా చెప్పాల్సిన అవసరం లేదు. ఆయన స్టైల్, పవర్‌ఫుల్ డైలాగ్స్, మాస్ యాక్షన్‌కు దర్శకుడు నెల్సన్ దిలీప్‌కుమార్ టేకింగ్ తోడైతే బాక్సాఫీస్ వద్ద సందడి ఏ రేంజ్‌లో ఉంటుందో మరోసారి చూసేసాం. ‘జైలర్ 2’ సినిమాపై నెలకొన్న క్రేజ్ నేపథ్యంలో ఇప్పుడు అందరి దృష్టి ఓటీటీ విడుదలపై పడింది. ఈ సినిమా డిజిటల్ ప్రీమియర్ ఎప్పుడు? ఏ ప్లాట్‌ఫామ్‌లో అందుబాటులోకి రానుంది? అన్న ప్రశ్నలు సినీ ప్రేక్షకుల్లో ఆసక్తిని పెంచుతున్నాయి.
‘జైలర్ 2’ స్ట్రీమింగ్ డేట్‌..
సినీ వర్గాల్లో వినిపిస్తున్న తాజా సమాచారం ప్రకారం, ‘జైలర్ 2’ నవంబర్ 12, 2026 నుంచి అమెజాన్ ప్రైమ్ వీడియోలో స్ట్రీమింగ్‌కు వచ్చే అవకాశం ఉందని ప్రచారం జరుగుతోంది. ఈ తేదీ నిజమైతే, థియేటర్లలో సూపర్‌స్టార్ మ్యాజిక్‌ను ఆస్వాదించలేకపోయిన ప్రేక్షకులకు డిజిటల్ వేదికపై సినిమా చూసే అవకాశం లభించనుంది.
తమిళంతో పాటు తెలుగు, కన్నడ, మలయాళం, హిందీ భాషల్లోనూ సినిమా అందుబాటులోకి వస్తుందనే అంచనాలు వినిపిస్తున్నాయి. అయితే భాషల వారీగా స్ట్రీమింగ్ వివరాలు, ఖచ్చితమైన విడుదల సమయం, తేదీని సంబంధిత సంస్థ అధికారికంగా ప్రకటించాల్సి ఉంది.
JAILER 2 OTT RELEASE DATE!! Superstar Rajinikanth’s Jailer 2 is reportedly set to premiere on Amazon Prime Video on November 12, 2026, following its theatrical run. The Nelson Dilipkumar directorial is expected to stream in five languages: Tamil, Telugu, Hindi, Malayalam and Kannada. #Jailer2 #Rajinikanth #AmazonPrimeVideo #TamilCinema #Filmyworld
— FillmyWorld (@Fillmyworld21) October 25, 2026
రూ.160 కోట్ల ఓటీటీ డీల్.. ఇండస్ట్రీలో హాట్ టాపిక్!
‘జైలర్ 2’ డిజిటల్ హక్కుల విలువపై కూడా ఆసక్తికరమైన చర్చ నడుస్తోంది. అమెజాన్ ప్రైమ్ వీడియో ఈ సినిమా ఓటీటీ హక్కుల కోసం సుమారు రూ.160 కోట్లు చెల్లించినట్లు టాక్ వినిపిస్తోంది. ఒక తమిళ సినిమాకు ఈ స్థాయి ఓటీటీ డీల్ జరగడం ఇదే తొలిసారి అని, ఇది సరికొత్త రికార్డు అని సినీ క్రిటిక్స్ చెబుతున్నారు. మొత్తానికి, బాక్సాఫీస్ వద్ద భారీ వసూళ్లతో వార్తల్లో నిలుస్తున్న ‘జైలర్ 2’ ఇప్పుడు ఓటీటీ చర్చలతోనూ ప్రేక్షకుల దృష్టిని ఆకర్షిస్తోంది. అమెజాన్ ప్రైమ్ వీడియోలో నవంబర్ 12 నుంచి స్ట్రీమింగ్ అవుతుందనే ప్రచారం, రూ.160 కోట్ల డిజిటల్ డీల్‌పై వినిపిస్తున్న వార్తలు సినిమాపై ఆసక్తిని మరింత పెంచుతున్నాయి.
అయితే, ఓటీటీ విడుదల తేదీ, భాషలు, డీల్ విలువపై అధికారిక ప్రకటన వచ్చే వరకు వేచి చూడాల్సిందే. నిర్మాతలు లేదా అమెజాన్ ప్రైమ్ వీడియో నుంచి స్పష్టత వచ్చిన తర్వాతే స్ట్రీమింగ్‌కు సంబంధించిన పూర్తిగా క్లారిటీ వస్తుంది.
ALSO READ : 17 ఏళ్ల తర్వాత టాలీవుడ్‌లోకి కంగనా రనౌత్..
బాక్సాఫీస్ వద్ద టైగర్ విధ్వంసం..
రజనీకాంత్ కథానాయకుడిగా నటించిన ‘జైలర్ 2’ బాక్సాఫీస్ వద్ద భారీ వసూళ్లతో దూసుకెళ్తున్నట్లు ట్రేడ్ నివేదికలు వెల్లడిస్తున్నాయి. దేశీయ మార్కెట్‌తో పాటు ఓవర్సీస్‌లోనూ సినిమాకు మంచి స్పందన లభించిందనే వార్తలు అభిమానుల్లో ఉత్సాహాన్ని పెంచుతున్నాయి. అక్టోబర్ 26, 2026వరకు, ఈ చిత్రం ప్రపంచవ్యాప్తంగా రూ.710 కోట్లకు పైగా వసూళ్లు సాధించినట్లు సమాచారం.
రజనీ తనదైన స్టైల్‌లో పలికే డైలాగ్స్, మాస్ యాక్షన్ సన్నివేశాలు, నెల్సన్ దిలీప్‌కుమార్ ప్రత్యేకమైన కథన శైలి సినిమాకు ప్రధాన ఆకర్షణలుగా నిలిచినట్లు కథనాలు పేర్కొంటున్నాయి. థియేటర్లలో అభిమానుల సందడి కొనసాగుతున్న నేపథ్యంలో, ఇంట్లో కూర్చుని ఈ సినిమాను ఎప్పుడు చూడొచ్చా అని ఎదురుచూసే ఓటీటీ ప్రేక్షకుల సంఖ్య కూడా పెరుగుతోంది.
