వంగూరు, వెలుగు: మండలంలోని జాజాల గ్రామస్తులు ఆదివారం దుందిభి వాగు నుంచి అక్రమంగా ఇసుక తరలిస్తున్న టిప్పర్లను అడ్డుకున్నారు. ఈ సందర్భంగా గ్రామస్తులు మాట్లాడుతూ..దుందిభి వాగు నుంచి అక్రమంగా ఇసుక తరలించడం వల్ల భూగర్భ జలాలు అడుగంటి బోరు బావులు దెబ్బతింటున్నాయని ఆవేదన వ్యక్తం చేశారు.
అధికారులు స్పందించి అక్రమంగా ఇసుక తరలిస్తున్న వారిపై చర్యలు తీసుకోవాలని డిమాండ్ చేశారు. ఎం.కృష్ణారెడ్డి, కొండల్ రెడ్డి, పర్వత్ రెడ్డి, శ్రీనివాస్ గౌడ్, దామోదర్ యాదవ్, బెల్లి శ్రీశైలం యాదవ్, డి.నరేందర్ రెడ్డి, జిలకర సైదులు, పులిజాల అశోక్, మార్కండేయ, పరుశురాములు, పులిజాల ఆంజనేయులు, భాస్కర్ పాల్గొన్నారు.
