- తన కొడుకు పోటీ చేస్తాడని ప్రకటించిన కాంగ్రెస్ సీనియర్ నేత కె. జానారెడ్డి
- ఇప్పటికే ఎన్నికల ప్రచారంలోకి దిగిన మండలి చైర్మన్
- గుత్తా సుఖేందర్ రెడ్డి కొడుకు అమిత్ రెడ్డి
నల్గొండ, వెలుగు : ఉమ్మడి జిల్లాలోని బీఆర్ఎస్, కాంగ్రెస్ అగ్రనేతల కొడుకుల పొలిటికల్ ఎంట్రీకి లైన్ క్లియర్అయినట్లు కనిపిస్తోంది. కాంగ్రెస్ సీనియర్ నేత జానారెడ్డి తన కొడుకు వచ్చే ఎన్నికల్లో పోటీ చేస్తాడని ప్రకటించారు. శుక్రవారం హైదరాబాద్లో ఆయన నివాసంలో జరిగిన ప్రెస్ మీట్లో ఈ మేరకు కొంత క్లారిటీ ఇచ్చారు. జానారెడ్డి ఇద్దరి కుమారుల్లో రఘువీర్రెడ్డి పోటీ చేస్తాడా? లేక జయవీర్రెడ్డిని బరిలోకి దింపుతారా అనే విషయాన్ని జానా సస్పెన్స్గానే ఉంచారు. మొదటి నుంచి మాత్రం జానా రెడ్డి పెద్ద కొడుకు రఘువీర్రెడ్డి పొలిటికల్ఎంట్రీ పై రాజకీయ వర్గాల్లో ఆసక్తికర చర్చ జరుగుతోంది. 2018 ఎన్నికల్లోనే రఘువీర్ మిర్యాలగూడ నుంచి పోటీ చేస్తారనే ప్రచారం జరిగింది. కానీ పార్టీలో ఈక్వేషన్స్ కుదరక ఛాన్స్ మిస్అయింది. మళ్లీ నాగార్జునసాగర్ఉప ఎన్నికల్లో రఘువీర్ పేరు తెరపైకి వచ్చింది. కానీ సాగర్ ఉప ఎన్నికని కాంగ్రెస్పార్టీ ప్రిస్టేజిగా తీసుకోవడంతో జానారెడ్డికి పోటీ చేయక తప్పలేదు.76 ఏళ్ల వయసు ఉన్న జానారెడ్డి క్రియాశీలక రాజకీయాల్లో కొనసాగుతున్నప్పుడే కొడుకు పొలిటికల్ఎంట్రీ జరిగితే బాగుంటుందని ఆయన వర్గీయులు ఎప్పటి నుంచో కోరుతున్నారు.
ఇద్దరు కొడుకుల్లో ఎవరు..?
జానారెడ్డి ఇద్దరు కొడుకుల్లో ఎమ్మెల్యేగా పోటీచేసే ది ఎవరన్నది మాత్రం క్లారిటీ ఇవ్వలేదు. కానీ జానా వర్గీయులు మాత్రం రఘు వీర్ పోటీ చేస్తారని భావిస్తున్నారు. పీసీసీ చీఫ్ రేవంత్ రెడ్డికి అత్యంత సన్నిహితుడిగా ముద్ర పడ్డ రఘువీర్ కి సానుకూలాంశంగా భావిస్తున్నారు. పార్టీ ఆదేశిస్తే మిర్యాలగూడ నుంచే పోటీ చేస్తారని కూడా చెపుతున్నారు. అయితే ఇటీవల రఘువీర్తో పాటు జయవీర్ సైతం క్రియాశీలక రాజకీయాల్లో చురుగ్గా పాల్గొంటున్నారు. తండ్రితో సాగర్, మిర్యాలగూడలో పర్యటించడంతో పాటు, గాంధీభవన్ పెద్దలతో టచ్ లో ఉన్నాడని చెపుతున్నా రు. ఈ నేపథ్యంలో వీళ్లలో ఎవరో ఒకరు మాత్రం కచ్చితంగా వచ్చే ఎన్నికల్లో ఎమ్మెల్యేగా పోటీ చేస్తారని, జానారెడ్డి నాగార్జునసాగర్లో పోటీ చేస్తే కొడుకు మిర్యాలగూడ నుంచి పోటీ చేయొచ్చని అంటున్నారు. ఒకవేళ పార్టీ ఈక్వేషన్స్ కుదరకపోతే కుమారుడు నల్గొండ ఎంపీగా పోటీ చేసే అవ కాశం ఉందని జానా వర్గీయులు చెపుతున్నారు.
బీఆర్ఎస్ నుంచి అమిత్ రెడ్డి...
బీఆర్ఎస్ సీనియర్నేత, మండలి చైర్మన్ గుత్తా సుఖేందర్ రెడ్డి కొడుకు అమిత్ రెడ్డి వచ్చే ఎన్నికల్లో పోటీ చేస్తారని ఇప్పటికే ప్రకటించారు. ఆయన నల్గొండ, భువనగిరి ఎంపీ స్థానాల్లో ఏదో ఒక చోట పోటీ చేసే అవకాశం ఉండొచ్చని అంటున్నారు. ఇంకోవైపు మునుగోడు ఎమ్మెల్యే సీటు పైనా అమిత్ ఫోకస్ పెట్టారు. పార్టీ హైకమాండ్ సూచనల మేరకే అమిత్ గత కొంతకాలంగా నల్గొండ పార్లమెంట్సెగ్మెంట్లో జరిగే కార్యక్రమాలకు రెగ్యులర్గా హాజరవుతున్నారు. ఫస్ట్ టైం భువనగిరి పార్లమెంట్పరిధిలోని చిట్యాలలో జరిగిన ఆత్మీయ సమ్మేళనంలో అమిత్ పాల్గొనడంపై చర్చ జరుగుతుంది.69 ఏళ్ల వయసున్న గుత్తా మండలి చైర్మన్పదవిలో ఉండగానే కొడుకు అమిత్ రెడ్డిని ఏదో పదవిలో కూర్చుపెడితే ఉమ్మడి జిల్లాలో రాజకీయ వారసత్వం కొనసాగుతుందని భావిస్తున్నారు. గుత్తా ఎంపీగా ఇటు నల్గొండ, అటు భువనగిరి సెగ్మెంట్ల నుంచి ప్రాతినిధ్యం వహించిన చరిత్ర ఉంది. ఈ అనుభవాన్ని దృష్టిలో పెట్టుకుని గెలుపు అవకాశాలున్న చోట అమిత్ రెడ్డిని పోటీ చేయించే అవకాశం ఉంది.
