జాతిరత్నాలు మూవీతో హీరో నవీన్ పొలిశెట్టి సూపర్ హిట్ కొట్టాడు. అతడు ప్రస్తుతం సితార ఎంటర్టైన్మెంట్స్లో ‘‘అనగనగ ఒక రాజు’’ మూవీలో నటిస్తున్నాడు. ఈ మూవీతో పాటు యువీ క్రియేషన్స్ నిర్మిస్తున్న సినిమాలోనూ నటిస్తున్నాడు. ఈ రెండు సినిమాలు ప్రస్తుతం షూటింగ్ దశలో ఉన్నాయి. అయితే గత కొంత కాలంగా తన సినిమాలకు సంబంధించిన అప్ డేట్స్ రాకపోవడంపై తను చేసిన వీడియో నవ్వులు పూయిస్తోంది. ప్రస్తుతం ఈ వీడియో సోషల్ మీడియాలో వైరల్గా మారింది.
ప్రతీ ఒక్కరూ తన సినిమాల అప్డేట్స్ ఇవ్వమంటూ అడుగుతన్నారని నవీన్ తనపైనే తను పంచ్లు వేసుకున్న తీరు నెట్టింట నవ్వులు పూయిస్తోంది. ఈ వీడియోలో ప్రతిఒక్కరూ నవీన్ ను మూవీ అప్ డేట్స్ గురించి అడుగుతారు. న్యూ ఇయర్ లో న్యూ మూవీస్ అప్డేట్ లని నాన్స్టాప్ ఎంటర్టైన్మెంట్తో అందించబోతున్నానని వీడియో చివరలో స్పష్టం చేశాడు. ఫన్నీ సంభాషణలతో సాగిన ఈ వీడియో ప్రస్తుతం నెట్టింట వైరల్గా మారింది.
