కొన్నిరకాల పజిల్స్ సాల్వ్ చేయాలంటే మనసంతా వాటి మీదే పెట్టాలి. ఒక్కోసారి ఎంత ప్రయత్నించినా సాధ్యం కాదు. రూబిక్స్ క్యూబ్ కూడా అలాంటి కష్టమైన పజిలే. కాన్సన్ట్రేషన్ మొత్తం క్యూబ్ మీదే పెట్టినా కూడా సాల్వ్ చేయడం కష్టం. అలాంటిది చెన్నైకి చెందిన జయదర్శన వెంకటేశన్ అనే12 ఏండ్ల పిల్లాడు సైకిల్ తొక్కుతూ ఈ పజిల్ క్యూబ్ సాల్వ్ చేశాడు. బ్యాలెన్స్ తప్పి సైకిల్ మీద నుంచి కిందపడకుండా చూసుకుంటూనే, రెండు చేతులతో 14.32 సెకన్లలో రూబిక్స్ క్యూబ్ని సెట్ చేశాడు.
పోయిన ఏడాది నవంబర్ 28వ తారీఖున ఈ ఫీట్ చేశాడు జయదర్శన్. అయితే, ఈమధ్యే అతని వీడియో.. మీడియా, న్యూస్పేపర్లలో వచ్చింది. దాంతో, సైకిల్ తొక్కుతూ తక్కువ టైమ్లో రూబిక్స్ క్యూబ్ సాల్వ్ చేసినందుకు జయదర్శన పేరు గిన్నిస్ వరల్డ్ రికార్డులో నమోదు చేసింది గిన్నిస్ సంస్థ. అంతేకాదు తమ ఇన్స్టాగ్రామ్, ట్విట్టర్లో ఇతని వీడియో పెట్టింది. ఆ వీడియోని ఇప్పటికే ఇన్స్టాగ్రామ్లో 60 వేల మందికి పైగా, ట్విట్టర్లో 30 వేల మందికిపైగా చూశారు. రెండేండ్లుగా రూబిక్స్ క్యూబ్ని వేగంగా సాల్వ్ చేయడం ప్రాక్టీస్ చేస్తున్నాడు జయదర్శన్.
New record: Fastest time to solve a rotating puzzle cube whilst riding a bicycle - 14.32 seconds.
— Guinness World Records (@GWR) March 16, 2022
Jayadharshan Venkatesan from Chennai, India was steering, pedaling and solving this cube whilst keeping his balance ? pic.twitter.com/KJ23A6a9X9
గిన్నిస్ వరల్డ్ రికార్డ్ బ్రేక్ చేయగలననే కాన్ఫిడెన్స్ వచ్చాక సైకిల్ తొక్కుతూ ఈ పజిల్ క్యూబ్ని సాల్వ్ చేశాడు. గతంలో ఒంటి చేత్తో 60 రూబిక్స్ క్యూబ్ను 30 నిమిషాల్లో సాల్వ్ చేసి ‘ఆసియా బుక్ ఆఫ్ రికార్డ్స్’లోకి ఎక్కాడు జయదర్శన్.
