జగిత్యాల, వెలుగు : ఉమ్మడి జిల్లాలో కాంగ్రెస్ గెలిచే మొదటి స్థానంగా ధర్మపురి నిలవనుందని ఎమ్మెల్సీ జీవన్ రెడ్డి ఆశాభావం వ్యక్తం చేశారు. ధర్మపురి అభ్యర్థి శనివారం నామినేషన్ వేయగా.. కాంగ్రెస్ శ్రేణులు రాయపట్నం నుంచి తహసీల్ఆఫీస్ వరకు ర్యాలీ నిర్వహించారు. అనంతరం రిటర్నింగ్ ఆఫీసర్ కు నామినేషన్ సమర్పించారు. ర్యాలీలో జీవన్ రెడ్డి మాట్లాడుతూ సీఎం కేసీఆర్ కమీషన్ల కోసమే కాళేశ్వరం నిర్మించి, రాష్ట్రాన్ని అప్పుల ఊబిలోకి నెట్టారని విమర్శించారు.
జగిత్యాల టౌన్, వెలుగు: ఉద్యమ ఆకాంక్షలు నెరవేర్చడంలో బీఆర్ఎస్ విఫలమైందని, ప్రజలు మార్పు కోరుకుంటున్నారని ఎమ్మెల్సీ జీవన్ రెడ్డి అన్నారు. పట్టణంలోని 46వ వార్డులో ఇంటింటా ప్రచారం చేశారు అనంతరం స్థానిక ఇందిరా భవన్‌‌‌‌లో విశ్రాంతి ఉద్యోగులతో సమావేశమయ్యారు
