ప్రస్తుతం ఓటీటీల్లో రిలీజయ్యే సినిమాలు ఆడియన్స్కు తెగ నచ్చేస్తున్నాయి. ఒకప్పుడు రియల్ ఇన్సిడెంట్ సినిమాలంటే నెట్ఫ్లిక్స్ అని చెప్పుకునే వాళ్లు. కానీ, ఇప్పుడు కథ మారిపోయింది. దాదాపు అన్నీ ఓటీటీ ప్లాట్ఫామ్స్ మంచి సినిమాలనే తీసుకొస్తున్నాయి.
ఈ మధ్యకాలంలో అయితే, జియోహాట్‌స్టార్ (Jio Hotstar) ఓటీటీ ప్లాట్ఫామ్ మంచి ఊపు మీద కనిపిస్తోంది. వివిధ భాషల్లో సూపర్ హిట్ అందుకున్న సినిమాల హక్కులను సొంతం చేసుకుని ఆడియన్స్ ముందుంచుతోంది. లేటెస్ట్గా ఓ రెండు బ్లాక్‌బస్టర్ సినిమాల స్ట్రీమింగ్ డేట్స్ను అనౌన్స్ చేసి ఇంట్రెస్ట్ పెంచింది. మరి ఆ సినిమాలేంటీ? వాటి కథేంటీ? అనేది తెలుసుకుందాం.
టూరిస్ట్ ఫ్యామిలీ ఓటీటీ:
తమిళ లేటెస్ట్ బ్లాక్‌బస్టర్ టూరిస్ట్ ఫ్యామిలీ. ఈ మూవీ జూన్ 2 నుంచి స్ట్రీమింగ్ కానుంది. తమిళంతోపాటు తెలుగు, హిందీ, కన్నడ, మలయాళం భాషల్లో జియోహాట్‌స్టార్ లోకి రాబోతోంది.
శశి కుమార్, సిమాన్ ప్రధాన పాత్రల్లో నటించగా.. యోగి బాబు, మిథున్ జై శంకర్, కమలేశ్ జగన్ తదితరులు ఈ సినిమాలో నటించారు. అభిషాన్ జీవింత్ దర్శకత్వం వహించిన ఈ చిత్రం మే 1న ఎలాంటి అంచనాలు లేకుండా ప్రేక్షకుల ముందుకు వచ్చి సూపర్ హిట్గా నిలిచింది.
దాదాపు రూ.16కోట్ల బడ్జెట్తో తెరకెక్కిన ఈ మూవీ బాక్సాఫీస్ వద్ద సుమారు రూ.77కోట్ల కలెక్షన్లను దక్కించుకుంది. మొదటి సినిమాతోనే డైరెక్టర్ అభిషాన్ ఈ రేంజ్ విక్టరీ సాధించడం అంటే చిన్న విషయం కాదు. ఇక రజినీకాంత్, రాజమౌళి, సూర్య, నాని వంటి వారు కూడా మూవీపై ప్రశంసలు కురిపించారు.
Wholesome emotions, arriving on June 2 ❤️#TouristFamily streaming from June 2 on #JioHotstar @abishanjeevinth @RSeanRoldanmusical @sasikumardir @SimranbaggaOffc @Foxy_here03 @barathvikraman @Yuvrajganesan @mageshraj @MithunJS5 @iYogiBabu @dirbucks @thilak_ramesh… pic.twitter.com/S51hnMiXAE
— JioHotstar Tamil (@JioHotstartam) May 28, 2025
శ్రీలంకలో నెలకొన్న ఆర్థిక సంక్షోభం వల్ల మన దేశానికి అక్రమంగా వలస వచ్చిన ఓ చిన్న కుటుంబం చుట్టూ తిరిగే కథ. అరెస్టు బెదిరింపుల మధ్య, అంటీ ముట్టనట్టుగా ఉండే చుట్టుపక్కల వాళ్లతో కలిసిపోడానికి ఎలా కష్టపడాల్సి వచ్చింది అనేది ఎమోషనల్‌ అండ్‌ కామెడీ కలగలిపి అభిషాన్ తెరకెక్కించిన తీరు ఆకట్టుకుంది.
తుడరుం ఓటీటీ:
సూపర్ స్టార్ మోహన్ లాల్ నటించిన లేటెస్ట్ మూవీ ‘తుడరుమ్’(Thudarum).వెటరన్ హీరోయిన్ శోభన..ఆయనకు జోడీగా నటించారు. తరుణ్ మూర్తి దర్శకత్వంలో రూపొందిన ఈ చిత్రాన్ని రెజపుత్ర విజువల్ మీడియా బ్యానర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పై ఎం.రెంజిత్ నిర్మించారు. ఏప్రిల్ 25న ఈ క్రైమ్ థ్రిల్లర్ డ్రామా విడుదలైంది. తెలుగులోనూ ఈ మూవీ రిలీజైంది.
తుడరుమ్ సినిమాకు ఫస్ట్ షో నుంచే పాజిటివ్ రివ్యూలు వచ్చాయి. అన్ని వర్గాల ప్రేక్షకులకు సినిమా బాగా నచ్చింది. ఈ సినిమాలో మోహన్‌లాల్ నటన సూపర్ అంటూ అభిమానులు, రివ్యూయర్లు చెప్పుకొచ్చారు. ముఖ్యంగా ఈ మూవీ దృశ్యం మూవీ శైలిలో ఉందంటూ ప్రేక్షకులు అభిప్రాయం వ్యక్తం చేశారు.
►ALSO READ | Kannappa: మంచు విష్ణు కుమార్తెల టాలెంట్ చూశారా.. ‘కన్నప్ప’లో అద్భుతమైన పాటకు గానం
ఇపుడీ ఈ మలయాళం బ్లాక్‌బస్టర్ మూవీ శుక్రవారం (మే 30) నుంచి జియోహాట్‌స్టార్లో స్ట్రీమింగ్ కానుంది. మలయాళంతోపాటు తెలుగు, కన్నడ, తమిళం, మలయాళం భాషల్లో స్ట్రీమింగ్కు అందుబాటులో ఉండనుంది.
2 days to go!
— JioHotstar Malayalam (@JioHotstarMal) May 28, 2025
Thudarum will be streaming from 30 May only on JioHotstar. @mohanlal @shobana_actor @Rejaputhra_VM @talk2tharun#Thudarum #JioHotstar #JioHotstarMalayalam #ThudarumOnJioHotstar #Mohanlal #Shobhana #MalayalamCinema #Mollywood #ThudarumMovie #MohanlalThudarum pic.twitter.com/AuPxA1DPdg
ఈ మూవీ బాక్సాఫీస్ దగ్గర రూ.230 కోట్లకుపైగా వసూలు చేసి మలయాళ ఇండస్ట్రీలో రికార్డు క్రియేట్ చేసింది. తుడరుమ్ సినిమాను రూ.30 కోట్ల బడ్జెట్ లోనే తెరెకెక్కించి హిట్ కొట్టాడు మోహన్ లాల్. ఈ లెక్కన చూస్తే తుడరుమ్ లాంటి కంటెంట్ ఓరియెంటెడ్ సినిమాలు తీస్తే, చిన్న హీరోలైన, పెద్ద హీరోలైనా మంచి విజయాలు దక్కించుకోగలరని నిరూపణ అయ్యింది. ఇకపోతే, ఈ సినిమాతో మోహన్ లాల్ మరోసారి కంప్లీట్ స్టార్ అనిపించుకున్నాడు.
