ఆంధ్రప్రదేశ్ లోని కాకినాడ జిల్లాలో ఘోర రోడ్డు ప్రమాదం జరిగింది. ఆటోను ప్రైవేట్ బస్సు ఢీ కొట్టడంతో ఆరుగురు అక్కడిక్కడే మరణించారు. మరో నలుగురు తీవ్రంగా గాయపడ్డారు. మృతులంతా యానాంలోని నీలంపల్లికి చెందిన మహిళలుగా గుర్తించారు.
తాళ్లరేవు మండలం సీతాపురంలో ఈ ప్రమాదం జరిగింది. రొయ్యల ఫ్యాక్టరీలో పని చేసి ఆటోలో తిరిగి వెళ్తుండగా ఈప్రమాదం జరిగింది. స్థానికుల సమాచారంతో ఘటనా స్థలానికి వచ్చిన పోలీసులు క్షతగాత్రులను కాకినాడ జీజీహెచ్ కు తరలించి చికిత్స అందిస్తున్నారు. ఈ మేరకు కేసు నమోదు చేసి దర్యాప్తు చేస్తున్నారు పోలీసులు. మృతుల వివరాలను సేకరిస్తున్నారు.
