హైదరాబాద్, వెలుగు: వైజాగ్లో బీఆర్ఎస్ భారీ బహిరంగ సభ నిర్వహణకు ఆ పార్టీ అధ్యక్షుడు కేసీఆర్ ప్రయత్నాలు చేస్తున్నారు. వైజాగ్ స్టీల్ ప్లాంట్ ప్రైవేటీకరణకు వ్యతిరేకంగా ఉద్యమిస్తున్న కార్మికులకు సంఘీభావంగా ఈ సభ నిర్వహిస్తున్నట్లు బీఆర్ఎస్ వర్గాలు చెప్తున్నాయి. స్టీల్ ప్లాంట్ ప్రైవేటీకరణకు వ్యతిరేకంగా సాగుతున్న ఉద్యమంలో బీఆర్ఎస్ ఏపీ శాఖ భాగస్వామ్యం అయ్యింది. కేంద్రంలోని మోడీ సర్కార్ అన్ని ప్రభుత్వరంగ సంస్థలను తన కార్పొరేట్ మిత్రులకు అప్పనంగా కట్టబెడుతోందని కేసీఆర్పలు వేదికలపై మండిపడ్డారు. ఎల్ఐసీ ప్రైవేటీకరణకు వ్యతిరేకంగా చేపట్టిన ఉద్యమంలో బీఆర్ఎస్ కార్మిక విభాగం పాలు పంచుకుంది.
ఖమ్మంలో నిర్వహించిన బీఆర్ఎస్ బహిరంగ సభ తర్వాతే వైజాగ్లో పార్టీ బహిరంగ సభకు ప్లాన్ చేసినా.. తర్వాత ఆ ఊసు ఎత్తలేదు. మహారాష్ట్ర స్థానిక సంస్థల ఎన్నికలపై దృష్టి సారించిన కేసీఆర్.. నాందేడ్ జిల్లాలో సభలు ఏర్పాటు చేశారు. ఇప్పుడు వైజాగ్ స్టీల్ ప్లాంట్ ప్రైవేటీకరణ అంశాన్ని అస్త్రంగా చేసుకొని ఏపీలో బీఆర్ఎస్ ప్రస్థానం షురూ చేసే ప్రయత్నాల్లో ఉన్నారు. సభకు సంబంధించిన ఏర్పాట్లను ఏపీ పార్టీ చీఫ్ తోట చంద్రశేఖర్,ఇతర నేతలకు అప్పగించినట్టు తెలుస్తోంది. ఈ నెలలోనే కేసీఆర్ సభ ఉండే అవకాశముందని నేతలు చెప్తున్నారు.
ఏపీ ప్రజలు, కార్మికుల మద్దతు కూడగట్టేందుకే
వైజాగ్ స్టీల్ ప్లాంట్ కార్మికులకు మద్దతుగా భారీ బహిరంగ సభ పెట్టి కార్మికులతో పాటు ఏపీ ప్రజల మద్దతు కూడగట్టాలనే ఆలోచనలో కేసీఆర్ఉన్నారని తెలుస్తోంది. టీఆర్ఎస్ పార్టీ బీఆర్ఎస్గా మారిన తర్వాత కేసీఆర్ ఏపీపైనే ఫోకస్ పెట్టారు. పలువురు నాయకులను చేర్చుకోవడంతో పాటు పెద్ద ఎత్తున సిట్టింగ్ఎమ్మెల్యేలు తనతో టచ్లో ఉన్నారని బాంబు పేల్చారు. అయితే, దీనికి ఏపీ ఎమ్మెల్యేలు, ఇతర లీడర్ల నుంచి రెస్పాన్స్ రాలేదు. ఏపీలో జనసేన చీఫ్ పవన్కల్యాణ్తో బీఆర్ఎస్ కలిసి పనిచేయబోతోందనే ప్రచారం సాగినా అది నిలువలేదు. దీంతో కేసీఆర్ ఏపీలో పార్టీ విస్తరణ ప్రయత్నాలను తగ్గించారనే ప్రచారమూ జరిగింది. అయితే, ఇప్పుడు ఏపీలో పార్టీ విస్తరణ చేయాలనే ఆలోచనలో కేసీఆర్ఉన్నారని ఆ పార్టీ నేతలు చెప్తున్నారు. గద్వాల జిల్లాతో పాటు ఏపీలోని ఉమ్మడి కర్నూల్ జిల్లాలో ప్రభావం చూపగల చల్లా వెంకట్రామిరెడ్డికి అందుకే ఎమ్మెల్సీ పదవి ఇచ్చారని చెప్తున్నారు.
మహారాష్ట్ర రైతు నేతలతో లంచ్ మీటింగ్
మహారాష్ట్ర రైతు నేతలతో కేసీఆర్ సోమవారం మధ్యాహ్నం సమావేశమయ్యారు. ప్రగతి భవన్లో వారితో కలిసి లంచ్ చేశారు. వాళ్లు సందర్శించి వచ్చిన కాళేశ్వరం ప్రాజెక్టు, యాదాద్రి ఆలయం ఎలా ఉన్నాయని వివరాలు అడిగి తెలుసుకున్నారు. రైతులు, ప్రజల సంక్షేమం కోసం తమ ప్రభుత్వం ఏయే పథకాలు అమలు చేస్తోంది.. వాటిని ప్రవేశ పెట్టడానికి దారితీసిన పరిస్థితులను వారికి వివరించారు.