![డ్రగ్ అమ్ముతూ పట్టుబడిన కేరళ స్టూడెంట్](https://static.v6velugu.com/uploads/2024/05/kerala-student-caught-selling-drugs_H5P1SV0TvY.jpg)
జీడిమెట్ల, వెలుగు : సిటీలో డ్రగ్అమ్ము తూ కేరళ స్టూడెంట్ పట్టుబడ్డాడు. సూరారం పోలీసులు తెలిపిన ప్రకారం... కేరళలోని కున్నంథానం గ్రామానికి చెందిన జిబిన్బీసీ(22) ఇంజనీరింగ్ స్టూడెంట్. అతనికి డ్రగ్స్తీసుకునే అలవాటు ఉంది. దీంతో ఇంట్లో ఇచ్చే పాకెట్ మనీ జల్సాలకు సరిపోకపోతుండగా.. డ్రగ్స్ సప్లయ్ కి ప్లాన్ చేశాడు.
ఫ్రెండ్ ద్వారా హైదరాబాద్లో ఉండే బిజ్జు అచ్చుతమ్ అలియాస్ మ్యాడ్బ్యాయ్వద్ద ఎండీఎంఏ డ్రగ్ దొరుకుతుందని తెలుసుకొని జిబిన్ 25 రోజుల కిందట ఇక్కడికి వచ్చాడు. ఆరు రోజుల కిందట అచ్చుతమ్కు ఫోన్ చేయగా ఫిల్మ్నగర్లోటస్ పాండ్ వద్దకు రమ్మని చెప్పగా వెళ్లి.. 6 గ్రాముల ఎండీఎంఏ కొనుగోలు చేశాడు. సోమవారం గాజుల రామారం ఆదర్శనగర్లోని మెట్రో ఫంక్షన్ హాల్వద్ద డ్రగ్ అమ్మేందుకు యత్నిస్తుండగా జిబిన్ ను పోలీసులు అరెస్ట్ చేసి రిమాండ్కి తరలించారు.