- 8వేల క్యూసెక్కుల నీటి విడుదల
పాల్వంచ రూరల్, వెలుగు : తుఫాను కారణంగా ఎడతెరపి లేకుండా కురుస్తున్న వర్షానికి భద్రాద్రి కొత్తగూడెం జిల్లా పాల్వంచ పరిధిలోని కిన్నెరసాని రిజర్వాయర్లోకి భారీగా వరదనీరు చేరుతోంది. దీంతో 407 అడుగుల కెపాసిటీ ఉన్న ఈ రిజర్వాయర్ నీటిమట్టం బుధవారం 404.60 అడుగులకు చేరుకుంది.
ఈ కారణంగా కేటీపీఎస్ డ్యాం సైట్ అధికారులు రిజర్వాయర్కు ఉన్న 12 క్లస్ట్ గేట్లలో రెండు గేట్లను మూడు అడుగుల మేరకు ఎత్తి 8వేల క్యూసెక్కుల నీటిని దిగువ ప్రాంతానికి విడుదల చేశారు. గేట్లు ఎత్తేముందు కిన్నెరసాని పరివాహక ప్రజలను అప్రమత్తం చేశారు.
