వరుస చిత్రాలతో హీరోగా రాణిస్తున్న కిరణ్ అబ్బవరం ఇప్పుడు నిర్మాతగానూ మరో అడుగు ముందుకేస్తున్నాడు. ‘కె.ఎ.’ ప్రొడక్షన్స్ బ్యానర్‌‌‌‌‌‌‌‌పై సినిమాలు నిర్మించబోతున్నాడు. తన గత చిత్రాలకు కెమెరా అసిస్టెంట్‌‌‌‌గా పనిచేసిన రామ్ చరణ్‌‌‌‌ను హీరోగా పరిచయం చేస్తూ ఓ సినిమా స్టార్ట్‌ చేయబోతున్నాడు.
ప్రీ ప్రొడక్షన్‌‌లో ఉన్న ఈ మూవీ షూటింగ్‌ ఈ ఏడాది చివర్లో ప్రారంభం కానుంది. ఈ సందర్భంగా కిరణ్ మాట్లాడుతూ ‘ఏడేళ్ల క్రితం ఓ పట్టుదల, డ్రీమ్‌‌‌‌తో నా ప్రయాణం ప్రారంభించి ప్రేక్షకుల ఆదరణతో గుర్తింపును అందుకున్నాను. నాలాగే ఓ కలతో ఇండస్ట్రీకి వచ్చే యంగ్‌ టాలెంట్‌‌‌‌కు మా బ్యానర్‌ ద్వారా అవకాశాలు అందించేందుకు ప్రయత్నిస్తున్నాం. ఈనెల 10న సినిమాను అనౌన్స్‌ చేయబోతున్నాం’ అని చెప్పాడు.
