సినీ రంగ ప్రముఖులతో నిర్వహించే ప్రఖ్యాత టాక్ షో ‘ కాఫీ విత్ కరణ్’ 7వ సీజన్ జూలై 7 నుంచి డిస్నీ హాట్ స్టార్ లో ప్రసారం కానుంది. దీనికి సంబంధించిన టీజర్ ను కరణ్ జోహర్ ఆదివారం తన ఇన్ స్టాగ్రామ్ అకౌంట్ లో షేర్ చేశారు. ఈ టీజర్ లో షారుఖ్ ఖాన్, ప్రియాంకా చోప్రా, కరీనా కపూర్, రణ్వీర్ సింగ్, రణ్ బీర్ కపూర్, బిపాషా బసు, సైఫ్ అలీ ఖాన్, అనుష్క శర్మ, అర్జున్ కపూర్, ఐశ్వర్యా రాయ్, సల్మాన్ ఖాన్తదితరులు ప్రధాన ఆకర్షణగా నిలిచారు. దీన్ని షేర్ చేసిన వెంటనే సినీ ప్రముఖులు, నెటిజెన్ల కామెంట్లు వెల్లువెత్తాయి. కాఫీ విత్కరణ్ కోసం ఆతురతగా ఎదురుచూస్తున్నామని పలువురు కామెంట్స్ పెట్టారు.
తన టాక్ షో పై కరణ్ జోహర్ ఇటీవల ఇన్ స్టాగ్రామ్ వేదికగా ఒక పోస్ట్ పెట్టారు. ‘‘టాక్ షో మొదలెట్టి 18 ఏళ్లు గడిచాయి. నా కాఫీని ఇన్నేళ్లు మరిగించానంటే నమ్మశక్యం కావడం లేదు”అని కామెంట్ చేశారు. కాగా, ఈసారి కాఫీ విత్ కరణ్ టాక్ షోలో సమంత కూడా పాల్గొంటారనే వార్తలు మీడియాలో చక్కర్లు కొడుతున్నాయి.
