మంచిర్యాల, వెలుగు: రాష్ట్రంలో, మంచిర్యాల నియోజకవర్గంలో కాంగ్రెస్ పార్టీని ఆదరించిన ప్రజలకు ఆ పార్టీ అభ్యర్థి కొక్కిరాల ప్రేమ్ సాగర్ రావు కృతజ్ఞతలు తెలిపారు. శుక్రవారం తన నివాసంలో ఏర్పాటు చేసిన మీడియా సమావేశంలో మాట్లాడారు.
బీఆర్ఎస్పై విసిగిన ప్రజలు మార్పు కోరుకున్నారని, బీఆర్ఎస్కు ప్రత్యామ్నాయంగా కాంగ్రెస్ను ఎన్నుకోవడం అభినందనీయమన్నారు. అధికార పగ్గాలు చేపట్టగానే ఇచ్చిన హామీలను కాంగ్రెస్ తప్పకుండా అమలు చేస్తుందని భరోసా ఇచ్చారు. మంచిర్యాల నియోజకవర్గ ప్రజలు తనపై చూపిన ఆదరణ మరిచిపోలేనన్నారు. ఆయన వెంట పార్టీ నాయకులు ఉన్నారు.
