- రేవంత్ చేతి వేలిగోటికి కూడా ఆయన పనికిరాడు
- సీఎంపై ఇష్టమున్నట్లు మాట్లాడితే ఊరుకోం: మల్లు రవి
- కేటీఆర్ను మెంటల్ దవాఖాన్ల చేర్చాలి: బండి సుధాకర్గౌడ్,
- చరణ్కౌశిక్ యాదవ్ఓటమితో మతిస్థిమితం కోల్పోయిండు: సుజాతా పాల్
- ఆటోల్లో తిరుగుతూ డ్రామాలాడ్తున్నడు: భవానీరెడ్డి
యాదాద్రి/హైదరాబాద్, వెలుగు: సీఎం రేవంత్రెడ్డిపై మాజీ మంత్రి కేటీఆర్ చేసిన కామెంట్లకు కాంగ్రెస్ పార్టీ నేతలు తీవ్రంగా స్పందించారు. ఇష్టమున్నట్లు మాట్లాడితే ఊరుకునేది లేదని హెచ్చరించారు. అధికారంలో పోయిందన్న ఫ్రస్టేషన్లో నియంతలా మాట్లాడుతున్నారని మండిపడ్డారు. మూసీలో పాతరేసినట్టుగా బీఆర్ఎస్ను ప్రజలు ఓడించినా కేటీఆర్కు అహంకారం తగ్గలేదని, బుద్ధిరాలేదని మంత్రి కోమటిరెడ్డి వెంకట్రెడ్డి అన్నారు. ‘‘సీఎం రేవంత్పై కేటీఆర్ నోటికొచ్చినట్టు మాట్లాడుతున్నడు.. రేవంత్ చేతి వేలిగోటికి కూడా కేటీఆర్ పనికిరాడు’’ అని విమర్శించారు.
సోమవారం ఆయన యాదాద్రి భువనగిరి జిల్లా బీబీనగర్ మండలం గూడూరులో మాట్లాడుతూ.. ‘‘కేసీఆర్ గజదొంగ. బీఆర్ఎస్ దొంగల పార్టీ. కాళేశ్వరం పేరుతో లక్ష కోట్లు దోచుకున్నరు. ఇప్పుడా కాళేశ్వరం కూలిపోయింది” అని అన్నారు. ‘‘కేసీఆర్ దొంగ దీక్షతో తెలంగాణ రాలే.. అమరుల ప్రాణ త్యాగాలను సోనియాగాంధీ దృష్టికి తీసుకెళ్లి ఒప్పించాం. తెలంగాణ కోసం నేను దీక్ష చేస్తే మా పార్టీ సస్పెండ్ చేసింది. దీక్ష కారణంగా నా కిడ్నీలు ఖరాబైనయ్. మీ మామకు ఏ పార్ట్ ఖరాబైందో చెప్పు హరీశ్రావు” అని ఆయన నిలదీశారు. కేటీఆర్ మతిస్థిమితం కోల్పోయి మాట్లాడుతున్నారని ఏఐసీసీ తెలంగాణ మీడియా ఇన్చార్జ్ సుజాతా పాల్ అన్నారు.
రాజకీయ ప్రయోజనాల కోసం ప్రజలను వాడుకుంటూ డ్రామాలు చేస్తున్నారని మండిపడ్డారు. సోమవారం గాంధీభవన్లో ఆమె మీడియాతో మాట్లాడారు. కేసీఆర్ 30 లక్షల ఉద్యోగాలు ఇచ్చినట్లుగా కవిత చెప్తున్నారని, ఆ వివరాలను బయటపట్టాలని పీసీసీ అధికార ప్రతినిధి భవానీరెడ్డి డిమాండ్ చేశారు. గోప్రో కెమెరాలు పెట్టుకుని, సొంత కార్మిక సంఘం ఆటోల్లో తిరుగుతూ కేటీఆర్ డ్రామాలు ఆడుతున్నారని దుయ్యబట్టారు.
