జనగామ, వెలుగు : స్వార్థ రాజకీయాల కోసం కొమురవెల్లి ఆలయ ప్రతిష్టను దెబ్బతీయాలనే ఆలోచనలను మానుకోవాలని జనగామ మార్కెట్ కమిటీ చైర్మన్ బనుక శివరాజ్యాదవ్, కొమురవెల్లి ఆలయ ఉత్సవ కమిటీ చైర్మన్ గంగం నర్సింహారెడ్డి అన్నారు. శుక్రవారం ఉత్సవకమిటీ సభ్యులు, కాంగ్రెస్ లీడర్లు మల్లికార్జునస్వామిని దర్శించుకుని, అనంతరం మీడియాతో మాట్లాడారు. జనగామ నియోజవర్గ ఇన్చార్జి కొమ్మూరి ప్రతాప్రెడ్డి ప్రతిపాదనలతో గతంలో ఎన్నడూ లేనివిధంగా వెనకబడిన వర్గాలకు 90 శాతం ప్రాతినిధ్యం కల్పిస్తూ ఆలయ ఉత్సవ కమిటీని ఏర్పాటు చేశారన్నారు. దేవాలయ చరిత్రలో గొల్లకుర్మలకు అత్యధిక ప్రాధాన్యం కల్పించిన తొలి కమిటీ ఇదేనన్నారు.
12 మంది కమిటీలో రెండు ఓసీ, రెండు ఎస్సీ, మిగతా ఎనిమిది మంది బీసీ వర్గానికి చెందిన వారికి చోటు కల్పించారన్నారు. ఈ నియామకం పై సర్వత్రా హర్షం వ్యక్తం అవుతుంటే కొంతమంది కావాలని కొమ్మూరిపై చిల్లర మాటలు మాట్లాడుతున్నారని ఆగ్రహం వ్యక్తం చేశారు. పార్టీ వ్యతిరేక కార్యకలాపాలకు పాల్పడుతున్న వారిపై అధిష్టానానికి ఫిర్యాదు చేయనున్నట్లు తెలిపారు. కార్యక్రమంలో మహాదేవుని శ్రీనివాస్, చేర్యాల వ్యవసాయ మార్కెట్ కమిటీ చైర్మన్ నల్లనాగుల శ్వేత, మల్లేశం, కొమ్ము రవి, చెంచారపు బుచ్చిరెడ్డి, లింగాల నర్సిరెడ్డి, లక్ష్మీనారాయణ, హరిబాబు, మేడ శ్రీనివాస్, వంగాల మల్లారెడ్డి, లింగంపల్లి కనకరాజ్ తదితరులు పాల్గొన్నారు.
