యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ ప్రధాన పాత్రల్లో నటించిన ఆర్ఆర్ఆర్ సినిమా అవార్డులతో పాటు, ఎన్నో రికార్డులను కూడా బ్రేక్ చేసింది. ఆస్కార్ నామినేషన్ లోనూ చోటు దక్కించుకున్న ఈ సినిమా.. ఇటీవల హాలీవుడ్ క్రిటిక్స్ అవార్డును కూడా సొంతం చేసుకుంది. దర్శక ధీరుడు రాజమౌళి డైరెక్షన్ లో రూపుదిద్దుకున్న ఈ మూవీ.. ఇప్పటికే కోట్లలో కలెక్షన్లను రాబట్టి ది బెస్ట్ ఇండియన్ మూవీలలో ఒకటిగా నిలిచింది. ఇక ఈ సినిమాలోని నాటు నాటు సాంగ్ కూడా ఎంత హిట్టయిందో ప్రత్యేకించి చెప్పాల్సిన అవసరం లేదు. ఈ నేపథ్యంలోనే కొరియా ఎంబసీ ఇండియా సిబ్బంది ఈ సాంగ్ పై చేసిన డ్యాన్స్ ప్రస్తుతం సోషల్ మీడియాలో వైరల్ గా మారింది. మరో విశేషమేమిటంటే వారితో పాటు కొరియా రాయబారి చాంగ్ జే-బోక్‌ కూడా ఈ పాటకు తగ్గ స్టెప్పులు వేస్తూ అలరించారు. ఈ వీడియోను కొరియ ఎంబసీ ఇండియా తన ట్విట్టర్ ఖాతాలో షేర్ చేయగా.. ప్రధాని మోడీ ఆ ట్వీట్ ను రీట్వీట్ చేశారు. వారి ప్రయత్నాన్ని ప్రధాని మోడీ ప్రశంసించారు.
