నల్గొండ, వెలుగు: త్వరలో ఎన్నికలు జరగనున్న మునుగోడు నియోజకవర్గంలో అసమ్మతి స్వరం వినిపిస్తున్న టీఆర్ఎస్ లీడర్లను దారిలోకి తెచ్చేందుకు ఆ పార్టీ హైకమాండ్ స్వయంగా రంగంలోకి దిగింది. బై ఎలక్షన్స్లో టికెట్ఆశించి, దాదాపు రాదనే సంకేతాలు అందుకున్న సీనియర్ నేతలు బూర నర్సయ్య గౌడ్, కర్నె ప్రభాకర్, కర్నాటి విద్యాసాగర్ వ్యవహరిస్తున్న తీరు వల్ల పార్టీకి నష్టం తప్పదనే అంచనాకు వచ్చిన పార్టీ పెద్దలు దిద్దుబాటు చర్యలకు దిగారు. ఇటీవల మంత్రి జగదీశ్రెడ్డి లక్ష్యంగా బూర నర్సయ్యగౌడ్ చేసిన కామెంట్లు పార్టీలో తీవ్ర కలకలం రేపాయి. అసంతృప్తులను ఇలాగే వదిలేస్తే ఆ ఎఫెక్ట్ పార్టీ విజయావకాశాలపై పడుతుందని భావించిన మంత్రి కేటీఆర్, వీరిని బుజ్జగించే బాధ్యతలను ఎమ్మెల్సీ పల్లా రాజేశ్వర్రెడ్డికి అప్పగించారు. లెఫ్ట్పార్టీలతో సంప్రదింపులు జరపడంతో పాటు సంక్షేమ పథకాలను ప్రజల్లోకి తీసుకెళ్లే బాధ్యతను కూడా హైకమాండ్ ఆయనకే అప్పగించింది. దీంతో పల్లా శుక్రవారం నుంచి నియోజకవర్గంలో పర్యటించనుండడం ఆసక్తి రేపుతోంది.
పార్టీలో 'బూర' ప్రకంపనలు..
మునుగోడు బై ఎలక్షన్స్లో కూసుకుంట్ల ప్రభాకర్ రెడ్డి, బూర నర్సయ్యగౌడ్, కర్నె ప్రభాకర్, కర్నాటి విద్యాసాగర్, కంచర్ల కృష్ణారెడ్డి తదితరులు టికెట్ ఆశించారు. హైకమాండ్ మాత్రం ప్రభాకర్రెడ్డి వైపే మొగ్గు చూపింది. ఈయన పేరును ఇప్పటివరకు అధికారికంగా ప్రకటించనప్పటికీ ఇటీవల మునుగోడు లీడర్లతో జరిగిన అంతర్గత సమావేశంలో టికెట్ ప్రభాకర్ కే అని స్వయంగా సీఎం కేసీఆర్ చెప్పినట్లు తెలిసింది. దీంతో అసంతృప్తికి గురైన బూరనర్సయ్య గౌడ్, కర్నె ప్రభాకర్, విద్యాసాగర్అసమ్మతి స్వరం వినిపిస్తున్నారు. ముఖ్యంగా బూర నర్సయ్య గౌడ్వివిధ వేదికలపై బీసీలకు టికెట్ ఇవ్వాలని మాట్లాడడడమే కాకుండా ఇప్పటికీ రెండుసార్లు మంత్రి జగదీశ్రెడ్డిని టార్గెట్ చేసి మాట్లాడారు. నోటిఫికేషన్కు టైం దగ్గర పడుతున్న టైంలో ఈ అసంతృప్త నేతలను కట్టడి చేయకపోతే పార్టీకి నష్టం కలుగుతుందని గ్రహించే పల్లాను హైకమాండ్ రంగంలోకి దించింది. బూర నర్సయ్య గౌడ్, కర్నెప్రభాకర్, కర్నాటి విద్యా సాగర్లకు నచ్చజెప్పే బాధ్యతను మంత్రి కేటీఆర్ తీసుకున్నట్లు తెలిసింది. ఆయన సూచనల మేరకే రేపటి నుంచి నియోజకవర్గంలో పల్లా రాజేశ్వర్రెడ్డి పర్యటించనున్నట్టు తెలిసింది. ఈ పర్యటనలో అసంతృప్త నేతలను బుజ్జగించడంతో పాటు రెడ్డి సామాజికవర్గం ఓటర్లను, ముఖ్యంగా గుడాటి రెడ్లను కాపాడుకునేందుకు..కూసుకుంట్ల ప్రభాకర్ రెడ్డి, ఆయన సమీప బంధువైన భువనగిరి ఎమ్మెల్యే ఫైళ్ల శేఖర్రెడ్డి, పార్టీ జిల్లా అధ్యక్షుడు రామకృష్ణారెడ్డి లాంటి లీడర్లతో కలిసి కార్యాచరణ రెడీ చేయనున్నట్టు సమాచారం. ఇప్పటికే టీఆర్ఎస్తో పొత్తు పెట్టుకున్న సీపీఎం, సీపీఐ లీడర్లతో చర్చలు జరుపుతున్న పల్లా.. వాళ్ల డిమాండ్లను హైకమాండ్ వద్దకు తీసుకెళ్లడంలో కీలక పాత్ర పోషిస్తున్నారు. రెండు, మూడు రోజులుగా ఆయా పార్టీల అగ్రనేతలతో పల్లా హైదరాబాద్లో చర్చలు జరిపారు. స్థానిక అవసరాలను దృష్టిలో పెట్టుకుని మండల, గ్రామ శాఖల లీడర్లతో కూడా చర్చలు జరపాలని భావిస్తున్నారు.
స్కీముల ప్రచారానికి..
వేల కోట్ల అప్పులు తెచ్చి మరీ సంక్షేమ పథకాలు అమలుచేస్తున్నప్పటికీ క్షేత్రస్థాయిలో సరైన ప్రచారం చేసుకోలేకపోతున్నామని టీఆర్ఎస్హైకమాండ్ భావిస్తోంది. ఈ క్రమంలోనే సర్కారు అమలు చేస్తున్న వెల్ఫేర్ స్కీమ్స్పై ఇంటింటి ప్రచారానికి పల్లాను వాడుకోవాలని నిర్ణయించింది. రైతు బంధు, రైతుబీమా, ఉచిత విద్యుత్వంటి కీలకమైన స్కీంల అమలులో రాజేశ్వర్రెడ్డి కీలక పాత్ర పోషించారు. ఆ పథకాలపై పల్లాకు మంచి పట్టు ఉంది. నల్గొండ–వరంగల్–ఖమ్మం గ్రాడ్యుయేట్స్ఎమ్మెల్సీ గా గెలుపొందిన పల్లాకు ఇక్కడి లీడర్లతో మంచి సంబంధాలున్నాయి. అందుకే ఆయనకు మునుగోడులో కీలక బాధ్యతలను అప్పగించినట్లు పార్టీలో చర్చ జరుగుతోంది. ఇప్పటికే పల్లా ఒకసారి మునుగోడు నియోజకవర్గంలోని రైతుబంధు కో ఆర్డినేటర్లు, మండల ప్రజాప్రతినిధులతో వీడియో కాన్ఫరెన్స్ నిర్వహించారు. ప్రతి మండలానికి 50 మంది చొప్పున కమిటీలు ఏర్పాటు చేయనున్నట్లు చెప్పారు. ఇన్చార్జి ఎమ్మెల్యేలు ఆ కమిటీలను వెంటేసుకొని గ్రామాల్లో తిరిగి, రైతుబంధు, రైతుబీమా వల్ల రైతులకు కలుగుతున్న ప్రయోజనాలను వివరిస్తారు.ఈమేరకు ఇప్పటికే పాంప్లెంట్స్ ముద్రించారు. వీటిని ఇంటింటికీ పంచుతూ ఓట్లు అడగనున్నారు.