బ్యూటీ వరల్డ్కి కొత్తగా ఇంట్రడ్యూస్ అయిన ట్రెండ్ స్కిన్ ఫాస్టింగ్. ఇప్పుడు సోషల్ మీడియాలో హాట్ టాపిక్ కూడా. మెరిసే చర్మం కోసం నెలలు తరబడి ఈ స్కిన్ ఫాస్టింగ్ ఫాలో అయిపోతున్నారు చాలామంది. నార్మల్ ఫాస్టింగ్ తెలుసు.. కానీ, స్కిన్ ఫాస్టింగ్ ఎలా చేయాలనేగా డౌట్. దీనికి కొన్ని రూల్స్ ఉన్నాయి.
అందానికి మెరుగులు దిద్దడానికి వారానికో బ్యూటీ ప్రొడక్ట్ రిలీజ్ అవుతోంది మార్కెట్లో. వాటన్నింటికి కొన్నాళ్లు బ్రేక్ ఇవ్వడమే స్కిన్ ఫాస్టింగ్. దీన్ని జపాన్కి చెందిన ‘మిరాయి క్లినికల్ బాడీకేర్’ అనే స్కిన్కేర్ కంపెనీ ఇంట్రడ్యూస్ చేసింది. రిజల్ట్ బాగుండటంతో ఇప్పుడు వరల్డ్ వైడ్ ఫేమస్ అయింది ఈ ఫాస్టింగ్ టెక్నిక్. దీన్ని ఓ నెలరోజుల పాటు చేస్తే చర్మ ఆరోగ్యం, అందం రెట్టింపు అవుతుంది.
బ్రీతింగ్ అవసరం
స్కిన్కి బ్రీతింగ్ అవసరం. కానీ, డిఫరెంట్ క్రీమ్స్, లోషన్స్, కామెడోజెనిక్తో నిండిన ప్రొడక్ట్స్తో స్కిన్ని కవర్ చేయడం వల్ల దానికి సరిపడా బ్రీతింగ్ అందదు . దాంతో చర్మంపై పోర్స్ బ్లాక్ అవుతాయి. దానివల్ల యాక్నే, డార్క్ సర్కిల్స్ లాంటి సమస్యలొస్తాయి. స్కిన్ సహజ తేమని కూడా కోల్పోతుంది. ఆ సమస్యలకి ఫుల్ స్టాప్ పెట్టడానికి కనీసం వారానికికొకసారైనా స్కిన్ ఫాస్టింగ్ తప్పదంటున్నారు మిరాయి క్లినికల్ బాడీ కేర్ ఫౌండర్ కోకో హయాషి. స్కిన్ ఫాస్టింగ్ వల్ల చర్మానికి బ్రీతింగ్ సరిగా అందడమే కాకుండా నేచురల్ ఆయిల్స్ని స్వయంగా చర్మమే ఉత్పత్తి చేసుకుంటుంది. అంతేకాదు చర్మంపై తేమ ఎక్కువసేపు నిలుస్తుంది. కేవలం స్కిన్ కండిషన్ని మెరుగుపరచడమే కాదు చర్మంపై మలినాల్ని కూడా తొలగిస్తుంది ఈ ఫాస్టింగ్ అంటోంది ఆమె.
ఆలోచించాల్సిందే
ఒక్కొక్కరి స్కిన్ ఒక్కోలా ఉంటుంది. అలాంటప్పుడు అన్నింటికీ ఒకే ట్రీట్మెంట్ సెట్ అవ్వదు. అందుకే ఈ స్కిన్ ఫాస్టింగ్ చేసేటప్పుడు ఇది మన స్కిన్కి ఎంతమేర పనికొస్తుందో ఆలోచించాల్సిందే అంటున్నారు డెర్మటాలజిస్టులు. ఒకవేళ చర్మానికి ఆల్రెడీ వాడుతున్న ప్రొడక్ట్స్ మంచి రిజల్ట్స్ ఇస్తుంటే స్కిన్ ఫాస్టింగ్కి దూరంగా ఉండటమే బెటర్ అంటున్నారు. అలాగే స్కిన్ ఫాస్టింగ్ చేసేటప్పుడు సన్స్ర్కీన్లోషన్, క్లెన్సర్ వాడటం మానేయొద్దు. వీటిని డైలీ రొటీన్ నుంచి ఎలిమినేట్ చేస్తే దుమ్మంతా చర్మంపై నేరుగా పడుతుంది, సూర్య కిరణాలు చర్మంపై పడి స్కిన్ మరింత డ్యామేజ్ అవుతుంది.
అందుకే ఫాస్టింగ్
స్కిన్ ఫాస్టింగ్ మెయిన్ గోల్స్లో ఒకటి మన చర్మానికి ఏ ప్రొడక్ట్ సూట్ అవుతుందో తెలుసుకోవడమే. చాలామంది మార్కెట్లో దొరికే కొన్ని క్రీములు వాడుతుంటారు. అది పడకపోతే మరొకటి అదీ కాదంటే ఇంకొటీ. కానీ, అలా రెగ్యులర్గా డిఫరెంట్ ఫార్ములాస్ ఉన్న ప్రొడక్ట్స్ని వాడటం వల్ల చర్మ ఆరోగ్యం పాడవుతుంది. అందుకే కొన్ని రోజులు స్కిన్ ఫాస్టింగ్ చేస్తే చర్మం నేచురల్ స్టేజ్కి వస్తుంది. ఆ స్టేజ్లో మన చర్మానికి ఏ ప్రొడక్ట్ సూట్ అవుతుందో తెలుసుకోవడం తేలికవుతుంది. దాన్ని బట్టి ఏదో ఒక ప్రొడక్ట్కి పర్మినెంట్గా స్టిక్ అయిపోవచ్చు.
దూరంగా ఉండాల్సిందే..
స్కిన్ ఫాస్టింగ్ వారం నుంచి పదిరోజులతో మొదలుపెట్టి నెలవరకు చేయొచ్చు. యాక్నే సమస్యలున్న వాళ్లు ఈ ఫాస్టింగ్కి దూరంగానే ఉండాలి. అలాగే అలర్జీలకు సంబంధించిన ప్రొడక్ట్స్ వాడుతున్న వాళ్లు కూడా స్కిన్ ఫాస్టింగ్ని అవాయిడ్ చేయాలి. ఆ ఆ ప్రొడక్ట్స్కి బ్రేక్ ఇచ్చి స్కిన్ ఫాస్టింగ్ చేస్తే చర్మ ఆరోగ్యం మరింత పాడయ్యే అవకాశాలు ఎక్కువ.
