ముంబై: లైఫ్ ఇన్సూరెన్స్కార్పొరేషన్ (ఎల్ఐసీ) న్యూ బిజినెస్ ప్రీమియం ఏప్రిల్ 2023 లో అంతకు ముందు ఏడాది ఏప్రిల్తో పోలిస్తే 50.41 శాతం తగ్గిపోయి రూ. 5,810.10 కోట్లకు చేరింది. గ్రూప్ సింగిల్ ప్రీమియం భారీగా తగ్గిపోవడమే దీనికి కారణంగా తెలుస్తోంది. అంతకు ముందు ఏడాది ఏప్రిల్తో పోలిస్తే ఈ ఏడాది ఏప్రిల్ నెలలో మొత్తం లైఫ్ ఇన్సూరెన్స్ ఇండస్ట్రీ పొందిన న్యూ బిజినెస్ ప్రీమియం 30 శాతం తగ్గిపోయింది.
అయితే, ఇదే సమయంలో ప్రైవేట్ సెక్టార్ ఇన్సూరెన్స్ కంపెనీలు మాత్రం 8.5 శాతం గ్రోత్ రికార్డు చేయడం విశేషం. రూ. 5 లక్షలకు మించిన ఇన్సూరెన్స్ ప్రీమియంపై ట్యాక్స్ విధించనున్నట్లు 2023–24 బడ్జెట్లో ప్రకటించడం లైఫ్ ఇన్సూరెన్స్ ఇండస్ట్రీపై పెద్ద ఎఫెక్టే చూపిస్తోందని ఎనలిస్టులు చెబుతున్నారు. ఇన్సూరెన్స్ అనేది జ్యుయెలరీ, పెర్ఫ్యూమ్ల మాదిరి లగ్జరీ ప్రొడక్టు కాదని, కాబట్టి పన్ను రిబేటు ఇవ్వాలని ఇంతకు ముందే ఎల్ఐసీ చైర్మన్ ఎం ఆర్ కుమార్ చెప్పారు. సెక్షన్ 80 సీ ఉన్నప్పుడు అంటే 4–5 ఏళ్ల కిందటి దాకా లైఫ్ ఇన్సూరెన్స్ ఆకర్షణీయంగా ఉండేది.
