సింహాలు ఎంత క్రూరమైనవో ప్రత్యేకించి చెప్పాల్సిన అవసరం లేదు. ఒక్కసారి దాని కంట పడితే తప్పించుకోవడం దాదాపు అసాధ్యమే. అలా తప్పించుకునే అవకాశాలు 100లో 25శాతమేనని నిపుణుల అంచనా. కానీ ఓ వ్యక్తి ఏకంగా సింహం ఉన్న ఎన్ క్లోజర్ లోకి వెళ్లి, ఎట్టకేలకు ప్రాణాలతో బయటపడ్డాడు.
2018లో దక్షిణాఫ్రికాలో జరిగిన ఈ భయంకర ఘటన.. ప్రస్తుతం సోషల్ మీడియాలో వైరల్ అవుతోంది. సింహం, వ్యక్తిపై దాడి చేసే దృశ్యాలు మరోసారి తెరపైకి రావడంతో ఈ వీడియో మళ్లీ హల్ చల్ చేస్తోంది. ఈ వీడియోలో తబాజింబిలోని మకరేలే ప్రిడేటర్ సెంటర్‌కు బ్రిటిష్ యజమాని అయిన అప్పటి 67 ఏళ్ల హాడ్జ్.. సింహాల ఎన్‌క్లోజర్‌లోకి ప్రవేశించాడు. అది చూసిన సింహం అతని వైపు రావడం ప్రారంభించింది. వెంటనే ఆ వ్యక్తి తప్పించుకునే ప్రయత్నంలో భాగంగా బయటికి వచ్చేందుకు ట్రై చేశాడు. కానీ అప్పటికే సింహం.. అతని దగ్గరికి వచ్చి.. ఈడ్చివేసింది. అలా కొంతం దూరం లాక్కెళ్లింది. ఆ ధాటికి వ్యక్తి భయంతో కేకలు వేశాడు.
ఆ తర్వాత ఎలాంటి చలనం లేకుండా పడి ఉన్న ఆ వ్యక్తిపై.. సింహం దాడి చేసింది. అతని మెడ, దవడపై తీవ్రంగా గాయం చేసింది. దీన్నంతటినీ అక్కడ ఉన్న కొంతమంది చూస్తూ.. ఆందోళనకు గురయ్యారు. మరికొందరు ఆ సన్నివేశాన్ని చిత్రీకరించారు. అనంతరం అటవీ అధికారులు ఎలాగోలా అతన్ని కాపాడి, ఆస్పత్రిలో చేర్పించారు. ఈ సంఘటన తర్వాత కొన్ని రోజులకు ఆ వ్యక్తి కోలుకున్నాడు. వీక్షకులను భయభ్రాంతులకు గురిచేస్తోన్న ఈ వీడియో.. ప్రమాదకరమైన జంతువులకు దూరంగా ఉండాలని, జాగ్రత్త వహించాలని మరోసారి నిరూపిస్తోంది.
https://twitter.com/TerrifyingNatur/status/1651894842048299009
