రియల్ లైఫ్ కపుల్ రణబీర్ కపూర్, అలియా భట్ జంటగా నటిస్తున్న చిత్రం ‘లవ్ అండ్ వార్’. విక్కీ కౌశల్ కీలకపాత్ర పోషిస్తున్నాడు. సంజయ్ లీలా భన్సాలీ తెరకెక్కిస్తున్నారు. శుక్రవారం ఈ మూవీ రిలీజ్ డేట్ను ప్రకటించారు. వచ్చే ఏడాది జనవరి 21న విడుదల చేయబోతున్నట్టు తెలియజేశారు. ఇందులో రణబీర్, విక్కీ కౌశల్ ఎయిర్ ఫోర్స్ ఆఫీసర్స్గా నటిస్తున్నారు. క్లోజ్ ఫ్రెండ్స్ అయిన వీళ్లిద్దరి మధ్య ఓ అమ్మాయి కారణంగా విభేదాలు రావడం.. తమ లవ్ కోసం వీళ్లిద్దరూ ఎలాంటి వార్ చేశారనే కాన్సెప్ట్తో తెరకెక్కిస్తున్నారు.
హిందీతో పాటు తెలుగులోనూ విడుదల చేయబోతున్నారు. నిజానికి ఇది ఈ ఏడాది సమ్మర్లో రిలీజ్ కావల్సి ఉంది. అయితే రణబీర్ కపూర్ ‘రామాయణ’లో నటిస్తుండగా, విక్కీ కౌశల్ ‘మహావతార్’లో నటిస్తున్నాడు.
ఈ ఇద్దరు హీరోల డేట్స్ అడ్జస్ట్ కాకపోవడం వల్లే ఆలస్యమైందనే ప్రచారం జరుగుతోంది. అంతేకాదు స్క్రిప్ట్లో భన్సాలీ చేసిన మార్పులు కూడా కారణమనే కామెంట్స్ వినిపిస్తున్నాయి. ఇక ‘బ్రహ్మాస్ర్త’ తర్వాత రణబీర్ కపూర్, అలియా భట్ కాంబినేషన్లో వస్తున్న సినిమా ఇది.
