ఏదైనా ట్రిప్ ప్లాన్ చేస్తే బండిమీదో, బస్సులోనే ట్రావెల్ చేస్తాం. జర్నీ కాస్త లాంగ్ అయితే ట్రైన్ ఎక్కుతాం. అదీ కాదంటే ప్లేన్ ఎక్కుతాం. ఇలా దూరాన్ని , కంఫర్ట్ని బట్టి వెహికల్ని మారుస్తుంటాం. కానీ, ఆస్ట్రేలియాకి చెందిన హన్నా రిప్టాన్, హ్యారీ షా మాత్రం వేల మైళ్లని కూడా బస్సుతో చుట్టేస్తున్నారు. ఓల్డ్ స్కూల్ బస్సుని ఓ మినీ సైజు ఇల్లుగా మార్చి ఆస్ట్రేలియాలో ఉండే అంతా చక్కెర్లు కొడుతున్నారు. ఏ ఫైవ్ స్టార్ హోటల్కి తీసిపోదు వీళ్ల బస్. ఏసీ, ఫ్రిజ్, వాష్రూమ్స్, డైనింగ్ 
ఏరియా, కిచెన్ ఉన్నాయి ఈ హోమ్ బస్లో.
హన్నా, హ్యారీ ప్రేమించి పెళ్లి చేసుకున్నారు. ఇద్దరికీ ట్రావెలింగ్ ఇష్టం. పెళ్లయ్యాక సరదాగా నేచర్తో ఓ ట్రిప్ ప్లాన్ చేశారు ఈ ట్రావెలర్స్. అయితే ఐదారురోజుల ట్రిప్ అంటేనే 70 నుంచి 80వేల డాలర్ల వరకు ఖర్చవుతుంది. రోజులు పెరిగేకొద్దీ ఆ రేటు పెరుగుతుంటుంది. అంత డబ్బు ఖర్చు పెట్టి ట్రావెలింగ్ చేసే స్థోమత ఈ కపుల్కి లేదు. అలాగే వెళ్లిన ప్రతిచోటకీ లగేజ్ మోత వద్దనుకుని, తక్కువ బడ్జెట్లో, కంఫర్ట్బుల్గా ఆస్ట్రేలియా మొత్తం చుట్టేసే ప్లాన్ గీశారు. అందుకోసం ఓల్డ్ స్కూల్ బస్ని మినీ ఇల్లుగా మార్చాలనుకున్నారు.
ఆడుతూ.. పాడుతూ
ఆలోచన రావడమే ఆలస్యం గ్రౌండ్ వర్క్ మొదలుపెట్టారు. నాలుగు నెలల పాటు సెర్చ్ చేసి ఫైనల్గా 12 మీటర్ల పొడవున్న ఓల్డ్ స్కూల్ బస్ని 2018లో కొన్నారు. ప్రొఫెషనల్ డిజైనర్స్తో మాడిఫికేషన్ అంటే ఖర్చు లక్షల డాలర్లలో అవుతుంది. అందుకే ప్రొఫెషనల్స్ హెల్ప్ లేకుండానే బస్సుని ఇంటిగా మార్చే ప్రయత్నాలు మొదలుపెట్టారు. బస్సు సీట్లు తీసి ఫ్లోర్ బోర్డ్స్, రూఫ్ ప్యానెల్స్, సీలింగ్ ఫిక్స్ చేశారు.
అన్నీ ఉన్నాయ్
ఈ బస్సులో మాస్టర్ బెడ్రూంతో పాటు రెండు గెస్ట్ బెడ్స్ కూడా ఉన్నాయి. వాషింగ్ మెషిన్, ఫ్రిడ్జ్, ఏసీ, షవర్, కంపోజ్డ్ టాయిలెట్, కిచెన్ లాంటి ఫెసిలిటీలు కూడా ఉన్నాయి. ఆరువందల లీటర్ల కెపాసిటీ ఉన్న నీళ్ల ట్యాంక్, ఎలక్ట్రిసిటీ కూడా ఉంది. బస్సుకి ఓ వ్యాన్ని కూడా అటాచ్ చేశారు వీళ్లు. బస్సు వెళ్లే దారులు లేనప్పుడు కారుని బయటకు తీస్తున్నారు.
ఫాలోవర్స్ పెరిగారు
హన్నా, హ్యారీ కపుల్ గోల్కి సోషల్ మీడియా ఇంప్రెస్ చేసింది. వెళ్లిన ప్రతిచోటుని ఫొటోలు, వీడియోల ద్వారా సోషల్ మీడియాలో ఎక్స్ప్లోర్ చేస్తున్నారు. దాంతో ఫాలోవర్స్ సంఖ్య రోజురోజుకీ పెరుగుతోంది. తక్కువ ఖర్చుతో నచ్చిన చోటుకి వెళ్లాలనుకునే చాలామందికి ఈ కపుల్ ఇన్స్పిరేషన్గా నిలుస్తున్నారు.
అంతేకాదు సోషల్ మీడియాలో తక్కువ బడ్జెట్ ట్రావెలింగ్ పాఠాలు కూడా చెప్తున్నారు వీళ్లు.
