హైదరాబాద్, వెలుగు: ప్రోగెసివ్ రికగ్నైజ్డ్ టీచర్స్ యూనియన్ తెలంగాణ (పీఆర్టీయూటీ) రాష్ట్ర నూతన అధ్యక్షుడిగా ఎం. చెన్నయ్య, రాష్ట్ర ప్రధాన కార్యదర్శిగా బి. రత్నాకర్ ఎన్నికయ్యారు. ఆదివారం హైదరాబాద్లోని రంగారెడ్డి జడ్పీ ఆఫీసులో పీఆర్టీయూ తెలంగాణ రాష్ట్ర సర్వసభ్య సమావేశం జరిగింది. ఈ సందర్భంగా చెన్నయ్య మాట్లాడారు. పీఆర్టీయూటీ పేరుతో రెండు వేర్వేరుగా ఉన్న సంఘాలను ఒక్కటిగా విలీనం అయినట్టు చెప్పారు. సీపీఎస్ను రద్దు చేయాలని, పీఆర్సీని తక్షణమే ప్రకటించాలని తీర్మానించినట్టు వెల్లడించారు. పెండింగ్ లో ఉన్న టీచర్ల బిల్లులను వెంటనే రిలీజ్ చేయాలని, అన్ని మండలాలకు ఎంఈఓ పోస్టులు మంజూరు చేయాలని కోరారు.
