- మహాజన సభలో రైతుల ఆవేదన
నవీపేట్, వెలుగు : అసైన్డ్ ల్యాండ్స్పై లోన్లు ఎందుకు ఇవ్వడం లేదని నాగేపూర్ సొసైటీ మహాజన సభలో రైతులు ఆవేదన వ్యక్తం చేశారు. మంగళవారం కోస్లీ సొసైటీ వద్ద సొసైటీ చైర్మన్ శైలేశ్కుమార్ఆధ్వర్యంలో మహాజన సభ నిర్వహించారు. రుణమాఫీ వచ్చిన అసైన్డ్ ల్యాండ్ రైతులకు తిరిగి రుణాలు ఇవ్వకపోవడంపై రైతులు ఆగ్రహం వ్యక్తం చేశారు.
రాష్ట్రస్థాయిలోనే కోపరేటివ్ బ్యాంకులలో అసైన్డ్ భూములకు రుణాలు ఇవ్వడం లేదని, రైతులందరికీ రుణాలు మంజూరు చేయాలని తీర్మానించినట్లు చైర్మన్ చెప్పారు. సొసైటీ పరిధిలో ఇప్పటివరకు 519 మంది సభ్యులకు రూ.1.20 కోట్లు మాఫీ కాగా, ఇంకా728 మందికి సంబంధించి రూ.2.20 కోట్లు మాఫీ కావాల్సి ఉందన్నారు. సమావేశంలో డైరెక్టర్లు ధర్మాజీ, సెక్రటరీ రమేశ్, సిబ్బంది శేఖర్, సాయిరాం, సొసైటీ పరిధిలోని రైతులు పాల్గొన్నారు.
