16 కిలోల బంగారు చీరలో అమ్మవారు.. ఫోటోలు వైరల్

V6 Velugu Posted on Oct 15, 2021

చెడుపై మంచి సాధించిన విజయానికి గుర్తుగా దసరా జరుపుకుంటారు. ఈ పండుగను దేశవ్యాప్తంగా ఎంతో ఉత్సాహంగా జరుపుకుంటూ.. రావణాసురుడి దిష్టిబొమ్మను దహనం చేస్తారు. ఈ దసరా సందర్భంగా అమ్మవారిని బంగారు చీరతో అలంకరించారు. బంగారు చీర అంటే ఏదో అనుకునేరు. ఏకంగా 16 కేజీల బంగారంతో చీరను తయారుచేశారు. పూణేలోని సరస్‌బాగ్ పరిధిలోని మహాలక్ష్మి ఆలయంలోని అమ్మవారికి ఈ చీరను బహుకరించారు. ఈ చీరను ఒక భక్తుడు 2011లో కానుకగా ఇచ్చినట్లు ఆలయ ధర్మకర్త తెలిపారు. ప్రతి సంవత్సరం నవరాత్రి మరియు దీపావళి పర్వదినాలలో బంగారు ఆభరణాలు మరియు చీరలను అలంకరిస్తామని, ఆ విధంగానే ఈ చీరను అలంకరించినట్లు ఆయన చెప్పారు. బంగారు చీరతో అమ్మవారు చూపుతిప్పుకోకుండా చేస్తుండటంతో భక్తులు ఉదయం నుంచి ఎక్కువ సంఖ్యలో ఆలయానికి వస్తన్నారు.


 

Tagged Maharashtra, gold, pune, Gold Saree, Sarasbagh, Mahalaxmi Devi idol, 16 kg gold saree

Latest Videos

Subscribe Now

More News