జవహర్ నగర్, వెలుగు: సీజనల్ వ్యాధులను దృష్టిలో పెట్టుకొని జిల్లా యంత్రాంగం అప్రమత్తమైందని మేడ్చల్ మల్కాజిగిరి కలెక్టర్ మనుచౌదరి చెప్పారు. శుక్రవారం ఆయన కాప్రా మండలంలోని జవహర్ నగర్ పీహెచ్సీని పరిశీలించారు. ఏఎన్సీ కేసులపై ఆరా తీశారు. పరీక్షలకు రాని వారిని గుర్తించి కౌన్సెలింగ్ ఇవ్వాలని అధికారులకు సూచించారు.
ల్యాబరేటరీని పరిశీలించి రోజుకు ఎన్ని పరీక్షలు చేస్తున్నారో తెలుసుకున్నారు. ఆస్పత్రిలో మరమ్మతులకు ఎస్టిమేషన్స్ వేసి తనకు పంపాలని సూచించారు. ఈ కార్యక్రమంలో డీఎంహెచ్వో ఉమాగౌరి, మెడికల్ ఆఫీసర్ సుష్మ తదితరులు పాల్గొన్నారు.
