- బాలికలకు శానిటరీ ప్యాడ్స్ పంపిణీ
- స్మార్ట్ క్లాస్రూమ్‌లు ఏర్పాటుకు హామీ
చేవెళ్ల, వెలుగు: రంగారెడ్డి జిల్లా జన్వాడలోని ప్రభుత్వ స్కూల్లో ‘టీచ్ ఫర్ చేంజ్’, ‘వేని రావు ఫౌండేషన్’ ఆధ్వర్యంలో సినీ నటి మంచు లక్ష్మి బాలికలకు శానిటరీ ప్యాడ్స్, ప్లేట్లు, గ్లాసులు పంపిణీ చేశారు. ఈ కార్యకమ్రానికి చేవెళ్ల ఎమ్మెల్యే కాలె యాదయ్య హాజరై మాట్లాడారు. డిజిటల్ స్మార్ట్ క్లాస్రూమ్ ఏర్పాటుకు కృతజ్ఞతలు తెలిపారు. తెలంగాణలోని ప్రభుత్వ పాఠశాలల్లో బాలికల ఆరోగ్యం, విద్యా ప్రమాణాల మెరుగుదల కోసం కృషి చేస్తున్నట్లు మంచు లక్ష్మి చెప్పారు. రాష్ట్రంలో ఇప్పటివరకు 45 స్మార్ట్ క్లాస్రూమ్‌లు ఏర్పాటు చేశామని, జన్వాడలో మరో 2 ఏర్పాటు చేయనున్నట్లు తెలిపారు. ఎంఈవో అక్బర్, ప్రజా ప్రతినిధులు, విద్యార్థుల తల్లిదండ్రులు పాల్గొన్నారు.
