చాలా గ్యాప్ తరువాత మంచు వారబ్బాయి మంచు మనోజ్ హీరోగా వస్తున్న లేటెస్ట్ మూవీ "వాట్ ది ఫిష్". ఈ మధ్యే అఫీషియల్ మొదలైంది ఈ సినిమా. ఇక మే 20న మంచు మనోజ్ పుట్టినరోజు సందర్బంగా వాట్ ది ఫిష్ మూవీ నుండి ఫస్ట్ గ్లింప్స్ ను రిలీజ్ చేశారు మేకర్స్. ఈ గ్లింప్స్ లో మనోజ్ గతంలో ఎప్పుడూ కనిపించని రీతిలో ఆకట్టుకుంటున్నారు. టెక్నో ఫాంటసీ మూవీగా రూపొందుతున్నట్లు ఈ గ్లింప్స్ చూస్తే అర్థం అవుతోంది.
రోబోలా కనిపిస్తున్న మనోజ్ లుక్ ఆడియన్స్ ను మెస్మరైజ్ చేస్తోంది. అంతేకాదు వాట్ ది ఫిష్ టైటిల్ కు ‘మనం మనం బరంపురం’ అనే క్యాచీ ట్యాగ్ లైన్ ను కూడా యాడ్ చేశారు. ఇక ఈ సినిమాతో మనోజ్ మళ్లీ ఆయన సక్సెస్ బాట పట్టడం ఖాయం అంటున్నారు సినీ అభిమానులు. డార్క్ కామెడీ, హై-ఆక్టేన్ థ్రిల్లింగ్ ఫ్యామిలీ ఎంటర్‌టైనర్ గా రూపొందుతున్న ఈ సినిమాతో మనోజ్ ప్రేక్షకుల హృదయాలను చూరగొంటారని ఇప్పటికే దర్శకుడు వరుణ్ వెల్లడించారు. భారతీయ సంస్కృతి, సంప్రదాయాలను ఈ సినిమాతో అంతర్జాతీయ స్థాయికి తీసుకెళ్లే ప్రయత్నిం చేస్తున్నట్లు ఆయన తెలిపారు.
అత్యాధునిక టెక్నాలజీతో తెరకెక్కుతున్న ఈ సినిమా వచ్చే ఏడాది ప్రేక్షకుల ముందుకు రానుంది. ఇక ఈ సినిమాకి ఫిదా మూవీ ఫేం శక్తికాంత్ కార్తీక్ సంగీతం అందిస్తున్నాడు.
