దీపావళి పండగ రోజున విశాఖ పట్నంలో మందు బాబు వీరంగ సృష్టించాడు. తాను అడిగిన బ్రాండ్ మద్యం ఇవ్వలేదని ఏకంగా వైన్స్ షాపునే తగలబెట్టాడు. వైజాగ్ లోని కొమ్మాది జంక్షన్ ఈ ఘటన చోటు చేసుకుంది.
స్థానిక సాయిరాం కాలనీకి చెందిన గుమ్మడి మధు అనే వ్యక్తి వైన్స్ షాప్ దగ్గరకు వచ్చి.. ఓ బ్రాండ్ మద్యం కావాలని అడిగాడు. ఆ బ్రాండ్ తమ దగ్గర లేదని సిబ్బంది చెప్పారు. అప్పటికే ఫుల్లుగా మద్యం సేవించి ఉన్న మధుకి ఆ మాటలు నచ్చలేదు. దీంతో కోపంతో ఊగిపోయి.. వాటర్ బాటిల్ లో పెట్రోల్ తెచ్చి వైన్స్ షాపుపై పోసి నిప్పంటించాడు.
ఈ ప్రమాదంలో సుమారు రూ.2 లక్షల విలువైన 15 లిక్కర్ బాటిల్ కేసులు, ప్రింటర్, కంప్యూటర్, స్కానర్, ఫ్రిజ్ పూర్తిగా కాలిపోయాయి. వైన్స్ షాపు సిబ్బంది భయంతో పరుగులు తీశాడు. స్థానికులు మంటలను ఆర్పేశారు.. నిందితుడు మధును పట్టుకొని పోలీసులకు అప్పగించారు.
